[صانعة في الحياة]

المشاركة الأصلية كتبت بواسطة زايرة كل يعود لأصل جده ومرباه راعي الشرف يشرف والأنذال يهبون (خالد الفيصل)

الفرع من عوده شـرابه ومسقـاه......والحنضله مره..ولوتشرب مـــــــــزون

الطيب كايد... والمناعير تقــــواه......والهون هين..تدفع النفس وتهــــــون

ناس على كسب المراجل مضــراه......وناس على كسب الفشيله يضـــــرون

هذا على وضح النقا كل ممشـاه......وهذا اذا شافوه ربعه يصــــــــــدون

لاتامن الخوان لوزخـرف حكــــاه......من خان بك مره باكر يبي يخــــــون

وافطن ترى زول الرجاجيل تـواه......كم واحد يعجبك زوله وهـــــــو دون

ياطيّب الشارات من يوم ممشــــاه......احذر عدوك لايغدرك على الهــــــون

ترى عدوك غايته فيك ومنـــــاه.......يزرع بصدرك من قنا رمحه طعــــــون

واللي رضع لبوة عدوك توقــــاه......الجرو ولد اللبوه..... اللي تعــــــرفون

للطير يالصقـار بالريش مغــــــواه......الجاهل اللي باكثر الريش مفتــــــــون

للحر.. وللشبوط...ماكر ومجنــــاه......والفرق بالافعــال لوهم يطـــــــــيرون


شكرا لمرورك الرئع الذي عطرلنا ذاكرتنا باريج شاعرنا وأميرنا خالد الفيصل
وصح لسانك ولسان من قال وقرأ

لك تحياتي