موضوع قيم لأنه كثر بين الناس الوسواس
ولكن بالمقابل في ناس تستبعد العين عشان ماتقع في وسواس الشك وأنا من هؤلاء الناس
سبحان الله ربنا اذا أراد أن ينبه الإنسان لشيء ،، أختي راحت لقارئ شرعي وهو بنفس الوقت دكتور
نفسي فيشوف الحاله اللي تحتاج لقراءه يقرأ عليها واللي تحتاج لعلاج نفسي ،، فسبحان الله رحت ثاني مره معاها
وسألها مين اللي معاكِ قالت اختي قلها تسمحي لي أبغى أقرأ عليها وقبلك لمى كلمتني والله جلست أضحك وكنت
أقول بيني وبين نفسي يالله ياحبكم في زرع الوسواس براس الناس ،، فبمجرد ماحط يده على راسي واللي افتكره وقتها
انه قال بسم الله الرحمن الرحيم ،، والصافات صفا ،، صرخت وماافتكر شي بعدها وصحيت مااقدر اتكلم وكل جسمي
سار زي الخشب واعراض كثيره سارت
انا كتبت تجربتي عشان لانستهين بالموضوع زي ماكنت أسوي وكمان مانسلم أنفسنا للوسواس ونجلس نحط كل عثره
بحياتنا على الحسد والعين او السحر
وبحول الله ربنا يبعد الشر عن الجميع والحمدلله على كل حال نكون فيه خير أو شر لأننا بالحالتين ماحنكون خسرانين