[بلاتين]

ياأخ الهمداني ,, مالك أي حق تتكلم عن حقوق المرأه وأنت رجال ؟؟ الدين والدوله كفلت حق المرأه لكن الأهل للأسف ضيعوها والعادات والتقاليد لها دور اساسي ,, لما المرأه تحرم من حقها في الميراث بامر اخوانها وعيب تشكيهم ,, لما الزوج ياخذ بطاقة الصراف حقت زوجته ومايوفر لها ادنى احتياجه وبعد مايخليه على الحديده وياخذ شقى عمرها يكافئها بزوجه ثانيه ,, لما ولي الأمر يرفض ان قريبته تطلع بطاقه احوال علشان ماتستقل وتلقى لها ظهر وتكون دائما بحاجته ,, لما الأخ يشترط علشان يكتب موافقه اخته للعمل نص الراتب لما الزوج يضرب ويسكر ويهين وتروح ل أهله يقولون لها اصبري ولا حلمي تشوفين عيالك ولما تلجأ لأهلها يقولون لها تحملي ولا ترجعي لنا مطلقه ,, لما المطلقه يتسكر عليها في البيت ويشكون فيها والكبيره في السن يقولوا لها عانس وهم اللي عاضلينها ,, لما غلطت البنت عار وغلطه الولد تكون مراهقه ؟؟ لما الأهل يرفضون وجود السواق وكل مشوار تحتاجه البنت لازم موافقه قبلها بشهر ,, لما تمرض البت في الليل ولا الصباح ومافي احد يوديها ,, لما تكون طلعات السوق والمطاعم وروحات المناسبات وزيارات الصديقات ممنوعه ولا للضروره (( ضروره للزوجاتهم وممنوعه على أخواتهم )),, لما تكون حياتك مافيه خصوصيه ابد كل شي بموافقه أهلك حتى العطر والساعه ؟؟ لما يكوت اختيار التخصص الجامعي يتشرطون في الأهل صحي مانبي بنوك مانبي ,, لما تروح للحديقه ولا لمكان عام لازم مرافق (( احيانا اشياء خاصه انحرج اشتريها بوجود مرافق )) ؟؟ ,, للأسف الحقوق اللي يدعونها الغرب مانحتاجها نحتاج لحقوقنا اللي كفلتها لنا الدوله والدين وحرمتنا منها العادات والتقاليد ,,