حياتي انا فديييييتك انتي ومخك وافكارك السوداويه ... اقول يابطه اسمعي مني اللي راح اقوله وصدقيني راح تتغير نفسيتك 180 درجه>>اسال مجرب ولاتسال طبيب
احم احم
حبيبتي كل الافكار اللي تفكرين بها على المخده كللللها تسمى افكار سلبيه سوداويه وهذي من الشيطااان اعوذ بالله منه .. انا اقولك كيف تتصرفين وكيف تخرجين من هالحاله
خطوتين بسيطه للتخلص من الافكار السلبيه..
* اولا راح تجيكي فكره سلبيه مثلا تفكري تقولي اخاف امووت او اخاف يغمى عليه او اخاف امرض او اخاف واخاف واخاف ...الخ ..اول شئ اول ماتجي الفكره حلليلها من كل النواحي يعني كلمي نفسك وعيشي الفكره وحقريها يعني ...مثلا
انا اخاف اني اموت بكره
>>طيب لو مت ايش يعني ؟؟مو كلنا بنموت مافي احد يبقى الا وجه الله >>
طيب اخاف اموت وانا ماصليت ؟؟
>>طيب الحين باروح اصلي واحافظ على الصلاه >>
طيب اخاف ماانطق الشهاده لما اجي اموت؟؟
>>طيب حأخلي ذكر الله على لساني مايفارقني وكل شوي راح اقل لا اله الا الله محمد رسول الله واستشعر معنى الجمله >>
طيب اخاف اموت بحادث ؟؟
>>طيب حتى لو مت بحريق كلو مكتوب ومقدر ولن يصيبنا الا ماكتب الله لنا >>
طيب اخاف اموت
>>اوووف طيب باموت واصلا لما اجي اموت ماراح اعرف الا وانا ميته يعني ليش ارهق مخي وتفكيري بالموت واصلا انا ميته ميته بالوقت اللي ربي قدره يعني ليش اشيل هم الموت واصلا الموت يجي فجأه من غير علم وربي اني متعبه نفسي عالفاضي بجد فكره سخيفه >>اسال الله العظيم رب العرش العظيم ان يحسن خاتمتي ويثبتي على قول الشهاده حين الممات ..امين
*ثانيا اول ماتجي تنامين عالمخده طبعا قبلها نامي على وضوء وصلي ركعتين واقرأي اذكار النوم ولاتخلين لك فرصه للتفكير بعد الاذكار لان طبعا ماراح يجيكي النوم بسرعه بتقعدي تتقلبين يمين ويسار لحد ماتنامي وطبعا ماتتقلبين عبث الا لازم مخك شغال تفكير >>طبعا افضل حل بعد الاذكار استلمي جوالك بيدك وادخلي على الالعاب على مثلا لعبة الثعبان او بزل او اي لعبه فيها ارهاق للمخ وتركيز عشان ايش ياحلوه؟؟؟>>عشان تلعبي وتفوزي او تخسري وترجعي تعيدي اللعبه لحد مايكبس عليكي النوم الا وانتي مسطوله على الفراش نااااايمه بسابع نومه >>يعني 1-توضيتي 2-صليتي ركعتين 3-قراتي اذكار النوم 4-لعبتي لحد ما وصلتي لمرحلة الاستسلام للنوم وماسمحتي لنفسك تفكري باي نوع من الافكار السلبيه لانو شغلك الشاغل اللعبه وتركيزك فيها ...
*ثالثا عودي نفسك على طول كل ماجاتك فكره سلبيه ناقشيها وحلليها وحقري فيها لحد ماتصير فكره سخيفه ماتستحق كل هالتفكير >>يعني بمعنى اخر اذا جاتك فكره سلبيه اقطعيها من جذورها يعني اول ماتجي مثلا فكره انا اخاف اموت قولي لا انا قويه واقدر اسيطر على الفكره وهذي فكره غلط وحتى لو مت ايش يعني ..ستوووب قطع للفكره ..
وبالاخير للفائده للجميييييع وبحكم التجربه الشخصيه انا انصح الجميع بقراءة كتاب اسمو((قوة التفكير)) للدكتور ابراهيم فقي رحمة الله عليه ..وربي قرأتو من الجلده للجلده وحفظتو صم وماتحسن تفكيري بعد الله الا عن طريق هذا الكتاااب ..ماقول غير رحم الله كاتب هذا الكتاب رحمة واسعة واسكنه فسيح جناته واغسله اللهم بالماء والثلج والبرد واجعل هذا العمل في موازيين حسناته ....امين ..ودعواتي لكي وللجميع بالصحه والعافيه والاجر العظيم ..اصبرو فالدنيا دار ابتلاء فلنصبر جميعا ونحتسب الاجر من رب العالمين ..