[دودي2]

المشاركة الأصلية كتبت بواسطة ندووووووو ياحبيبتي مافي إمرأه تكون بهذا الشر والا وهناك دافع يدفعها لهذه الافعال..لأن معروف ان المرأه كلها عاطفه وحنان.. انا سأوضح لك بعظ الدوافع وانت بإجتهادك ابحثي وش الصح فيه من ظمن هذه الدوافع 1- قد تكون تعاني من أمراظ نفسيه او انها تقلد فعل احد من زوجات اخوانها فيها وتحسب ان هذا هو التعامل انت حاولي التقرب منها واجعليها تخبرك عن بعظ مشاكلها وإذا عرفتي كلمي اخاك بأن يعالجها 2- قد يكون أخاك هوا السبب وانت لاتعلمين .. قد يمدحك كثيرا امامها سواء في ترتيبك لنفسك او في نظافتك ببيتك او في اي شئ ولا يعلم ان هذا الشئ يولد الغيره وبالتالي تحاول بشتى الطرق ان تبعدك وتبين انك لست كفئ وانها افضل منك. صدقيني هذا الشئ رأيته بأم عيني حتى من نساء متعلمات علم كافي بالدين وسمعت كثيرا عنه.. فنبهي اخاك من هذه الناحيه 3- عليك بالدعاء ثم الدعاء بأوقات الاجابه فإن كانت بهذا الشر من تلقاء نفسها فسيدحرها الله لأن الخير دائما هو المنتصر في الاخير وشكرا لك

ندوووو صح هي مستوى عيلتها اقل من عيلتنا بكثيييييييييييير بس لما تزوجها عديناها اخت وامي الله يرحمها عاملتها كانها بنتها كانت تخاصمنا لوزعلناها حتى لوهي الغلطانه وربي كانت تجي من كليتها امي طابختلها غداها وتشاورها تبيه عندنا ولافي بيتها وكانت عند بيت اهلها تجي من الكلية عالمطبخ عدل تسوي غدا اهلها

حريم اخوانها سيئات في التعامل مع امها جدا وكانت تشتكي فجاة سوت مشاكل والحين ماتسمعي غير المدح في حريم اخوانها بالرغم انه معروف كيف يعاملوا امها امي بعز مرضها حرمتها تشوف عيال ولدها واخوي لاحياة لمن تنادي

حاولت اتنسى كل هذا واتعامل بالطيب مو عشانها وربي لوجه ربي الكريم ماخصت تضحك بوجهي واحلى الكلام ومن قفايا ربك وحده عالم مصايبها لحد العرض
مشيت بس لحد متى تعبت لاضحكت بوجهي نسيت افعالها الشينه وعاملتها مثل خواتي مشكلتي مااعرف احط حدود ولااخبي اللي في قلبي على لساني وان حاولت اخبي يبان عليا بسررررررعه

وربي اخوي معيشها اميرة كل اللي تبيه عندها حتى امي الله يرحمها خلته يجيب لها خدامه وحده ورى الثانيه وسفرات برى المملكه وحياة كامله بمعنى الكلمه وهو تعامله راقي معها ماعندي ربع الحياه اللي عندها وتغار ليييييييييش انا بسببها انحرمت من كل شي حتى دراستي حياتي ماعندي ولاشي من اللي عند البنات اليوم خواتي عندهم كل شي انا لا وخطبتني لاخوها ورفضت وشبة الدنيا زيادة
اللي زايده عنها فيه شي من ربي سوا جمال شعر ذكاء من ربي اكتر من كدا لا اخوي معجب في شخصيتي فياشياء كثير بس مايذكرني كثير حتى بعد المشاكل هو مازال يردد اعجابه بنفس الاشياء طيب ماتفهم هي ان كل شي في حياتي تقدر تدمره بس انا ماتقدر تدمرني ولاتغير نظرته فيني سوت مشاكل تهد جبال وماتغير شي ولا الواحد لاصار بنعمه مايشكر خالقه ويشتغل بالخلق

شاكرة مرورك بس اخوي مايسمع فيها ابد دعواتك