يامشتكي فرقا القرايب والاحباب
وفرقا صغيرٍ تو بادي يناديك
لو عشت طول العمر بديار الاجناب
عندك امل يومٍ تعود لاراضيك
الموت ماهي غربتك بين الاغراب
الموت والله غربتك بين اهاليك
لكشرت دنياك عن اسود الناب
وقامت على درب المهالك تمشيك
وتقفلت دون المعاذير الابواب
وحسيت كل الناس حولك تعاديك
واصبح بعضهم ينهشك نهشة الداب
وكلٍ يظن وباسوء الظن يرميك
وان قلت عذرك قالوا الناس كذاب
لو كنت صادق عندهم كل ماضيك
ناسٍ تلوم ولايعرفون الاسباب
وانت السبب في كل ليله يبكيك
لاتبدي اسباب المظالم والانشاب
واصبر لعل الله من الظلم ينجيك
اظلم ظلامات الظلم .. ظلم الاقراب
خصٍ إلى جاء من قريبٍ يواليك
شعر:
احمد عبدالرحمن العريفي
(نديم المجره)
منقول