يارب عفوك ولطفك ياعزيز الجلال
""""""""وبدل لنا ذنوبنا عفو ومثوبه واجر
نهار ماتنفع الدنيا وخشم الريال
""""""""الحاكم اللي حكم والتاجر اللي تجر
ياالادمي لا مفر من القبر والسؤال
""""""""مير ازجر النفس عن فعل المعاصي زجر
لادكت الارض وامسن الرواسي هيال
""""""""يالله لا تجعل لنا على جهنم مجر
ومن واقع الوقت واحداث الزمن والليال
""""""""الصادق اللي صدق والفاجر اللي فجر
يامكثر احلامنا لكنها من خيال
""""""""وقلوبنا من ورق وعقولنا من حجر
كنا على منهج الاسلام مضرب مثال
""""""""واليوم تاريخنا فينا مسبب ضجر
حتى النصيحه ليا قدمتها للرجال
""""""""كنك مثل من يبيع التمر لاهل هجر
وتبي تعرف ان واقعنا ردي لايزال
""""""""وان المعاصي هبايب والاوادم شجر
شوف الجماهير لا لعب النصر والهلال
""""""""وشوف المصلين كم هم في صلاة الفجر
م/ ن