أهديت لَك صفحة شِعر ... واهديتني .. لوحة رَسِم !
على ضِفَاف ألوانها ... توقيع .. مايحمل إسم ! !
رَسّام .. والريشة قلم
تنزف مثل نزفي ألم
أبختصر فيك الزمان
اللي قسى .. واللي ظَلَم
000000000000
تَبي تَسمَع مُعاناتي ... قبل تقرأ كتاباتي
عَشقت الشِعر حتّى إنّي ... كَرهت الشعر وابياتي
جروحي منك ماتبرا
من أوّل وانت فيها أدرى
وكم مرّة كتبت إسمك
بعجز البيت والصدرا
صحيح إنّك بهالدنيا
سبب همّي ومأساتي
...........
تقابلنا .. بعد غيبة ... بصمت ورهبة وهيبة
وصار الحب يجمعنا ... على المعروف والطيبة
تمادينا ولا تبنا
وماضينا يعاتبنا
ونبض جروحنا يرسم
هواجسنا ويكتبنا ..
00000000000
أبيك .. و كل ماتطري ... على بالي يسيل الدمع
توقّعت الشتا بارد ... وذاب الثلج قبل الشمع ! !
رِهَاف الهنّد في صدري
وصدرك ماتجيه جروح
عساني لاتمنّيتك
تجيني والجميع يروح
برسمك في صفحة شعر ... واكتبني بلوحة رسم
على ضفاف ألوانها ... توقيع .. مايحمل إسم ! ؟
دحــــــــــــــــام بــــــــــــدر الهــــــــــــــــــــــ ذال