السلام عليكم ورحمة الله وبركاته لا اعرف كيف اشكركم على هذه الفرصة العظيمة فمن الصعب ان يجد الانسان من يسمعه ويشير عليه بالرأى الصائب الا من الاقرباء ولكن للاسف انا من ضمن مشاكلى الكثيرة اننى ليس لى احد الا زوجى واولادى فقط وكما هم كل ما لى فهم سبب كل ما انا فيه منهم ومشاكل اعذرنى مشكلاتى كثيرة ولا استطيع ان احكيها فى مجرد رسالة فهى كافية ان تملا كتاب ولكن اسمح لى فى كل مرة اكتب لك عن جانب منها ولا ادرى أأبدأ باولها ام بما وصلت اليه من محنة لا استطيع الفكاك منها ....
انا امرأة متزوجة مرتين وعندى اربع اولاد بنتين وولدين بنتى الكبيرة من زوجى الاول فى سنة اولى كلية زراعة وابنتى الثانيه سنة سادسة ابتدائى وابن فى سنه رابعة و ابن اخر لسة هيدخل المدرسة السنة الجاية ان شاء الله ليس لى اى اخوة او اخوات فانا وحيدة ويتيمة الاب والام والدتى انجبتنى بعد مدة زواج طويلة اكثر من 18 سنة علشان كدة انا بالنسبة لى لما كبرت فكان الخال والعم شيخ كلهم ماتوا منذ فترة وانا لم اتعدى اعدادى زوجى محاسب او رئيس حسابات ولكن مع ايقاف التنفيذ منذ تزوجنا من 12 سنة لم يعمل بانتظام فى شغل يكفينا ابدا وعندما يعمل لا ناخذمنه الا 200 او 300 جنية اول الشهر ويرجع يسحبهم منى 5 فى 10 فى النصف الباقى من الشهر وكنت فى اول زواجنا ااقول بكرة تتفرج عليه ويلاقى شغل بمرتب احسن وحالنا يتعدل وابيع فى دهبى وهو اتكل على كدة خلاص لغاية ما خسرت كل ما معى من دهب ومبلغ صغير فى البنك وقطعة ارض بسيطة ومنزل متواضع ورثته عن ابى وكنا نسكن فىه ببلاش وعزلنا من شقة لشقة بالايجار المؤقت يعنى اتبهدلت من كل النواحى وهو ولا على باله وكل ما اتكلم يقولى اعملك اية اسرق يعنى اللى باشتغل به باعطيه لكى وانت اتصرفى مش عارفة اتصرف باية بالعدم ده ما يعرفش ولاده بيصرفوا اية ولا كسوتهم بكام ولا اللى بيتعب بيجيب علاج بكام ولا انا باولد واصرف كام حتى كسوته انا اللى باجيبله زى اولاده لغاية ما تعبت واتداينت لطوب الارض وبعدين كل ما اعمله حاجة تفشل سعيت له على سفر واتصرفت له فى تمن الفيزا والتذكرة واللى اشتراه وهو ماشى راح السعودية على اساس هيشتغل لحد الساعة 3او4 ويشوف سغل تانى يساعد لان المرتب كان 2000 ريال ما يعملش حاجة بس احسن من قاعدته هنا حنبى بدون شغل ولا اشتغل ولا حاجة اشترى كمبيوتر ويرجع من الشركة يقعد قدامه للفجر ويبعت لى كل شهر 1700 جنية المفروض اسدد منهم 1000 جنيه للجمعية اللى عملتهالة اسدد منها فلوس تكاليف السفر طيب والايجار والمصاريف كل ده من 700 جنيه ازاى يعنى حتى السفر ما عملش حاجة وياريت فضل لكن قال الكفيل مش كويس وبدل ما يقعد سنتين ويجدد قاله لا هات لك محاسب تانى انا عايز انزل اخر السنة وكفاية كدة ومن ساعتها له سنة ونصف قاعد جنبى ما بيدخلش ولا جنيه وانا ديونى كترت وعمالة اكتب على نفسى ايصالات امانة ومش عارفة اية اخرة كل ده واصبحت ديونى مبلغها كبير ومن سوء حظى اننى كان لى قطعة ارض اشترتها من فترة قلت يمكن تغلى الاسعار والزيادة تغطى جزء من الديون والحمد لله حساباتى طلعت مضبوطة لمرة فى حياتى والاسعار زادت ولكن مع الاسف سوء الحظ ملازمنى ومش لاقية مشترى نظرا لظروف مصر دلوقت ولو اتباعت الارض بالسعر السائد حاليا هتسدد 75 فى المائة من الديون ده ملخص موجز وسريع لمشكلتى كل اللى انا عارفاه ان الحل انى انا وهو نشتغل ليل ونهار بمرتبات كويسة ونسدد شوية بشوية وانى اجد مشترى ابن حلال ياخد الارض بسعر ها الحالى واجد شغل لى ولزوجى ادعوا لى بالله عليكم نفسى انام وامارس حياتى واخد بالى من اولادى ياريت ما كنش اثرت على نفسيتكم بمشاكلى