ياضيقة الصدر جالك تالي الوقت دور
............ساعتك تمشي دقايقها على هونها
من كثر مازريت لا القى للسعاده عبور
............نسيت طعم اجمل الايام وشلونها
احس وقتي على ضحكة شفاتي غيور
............كم ضحكة ماتشوف النور بعيونها
ياحظكم ياعيال آدم وساع الصدور
............اللحظه اللي تونس وين تلقونها
انا مكمل سنه معها ثلاثة شهور
............اسمع بطريا الحياه اللي تقولونها
مسلم واصلي واخاف الله وعبد شكور
............مير السعاده خلقت وعشت من دونها
صارعت الايام واستنتجت بين السطور
............كلمة عقل جبتها من راس مجنونها
الراحه الابديه راحة اهل القبور
............يبطون الاحياء بها الدنيا يعيشونها
م/ن