منتديات موقع بشارة خير - عرض مشاركة واحدة - مبتعرفيش تفرزي البطاطس..طب تعالي اتفرجي عالسهوله والجمال بالصور

حبة المحبه

ازيكم يا حلوات
امبارح انا نزلت عالبطاطس اللي كانت عندي ورحت مفرزاها
بس سبت شوية عشان لو حبيت اعمل صينية بطاطس
على فكرة ياجماعة تفريز البطاطس ده بيريح جدا والله
يعني في اي وقت تطلعي وتحمري على طول
وكمان الطريقة اللي هاقولكم عليها هتريحكو جدا

المهم
الطريقة
هتجيبي البطاطس وتقشريها وتغسليها زي الصورة

وبعديت هتقطعي الحتة اللي فوق واللي تحت عشان يبقى كله اد بعضه

وبعدين تقطعي البطاطس كده

وده الفرز التاني هههههه

وبعدين هنكون حاطين حلة مية تغلي عالنار
ونقوم حاطين فيها البطاطس اول ماتغلي كده

ونسيبها عالنار تاني لحد ما تغلي تاني

وبعدين نصفيها

ونسيبها تبرد ونحطها في اكياس وعالفرييييزر

وده شكلها اما طلعت من الفريزر

حطيت شوية صغيرين على ادي

وده الشكل النهائي

طعمها جمييييل جدا كأني جايباها جاهزة والله

والصينية دي للي هترد عليا وتشجعني

جربوها كده والله اسهل كتير من النص مقلية واحلى
مع السلامة