بسم الله الرحمن الرحيم
السلام عليكم ورحمة الله وبركاته
اخواتي ... مشكلتي بأختصار اني ساكنة في شقة في عمارة ابو زوجي الله يعطيه العافية واخوانه وابوه وامه وزوجة ابوه في نفس العمارة كل عائلة لها شقة <ماشاء الله>
المشكلة ان ابنائنا كونهم ابناء عمومه ويعتبرون اخوة دائما يختلطون مع بعض في حوش البيت ويلعبون لكن غالبا اللعب يتحول الى معارك وانا عندي ولد واحد اذا تضارب مع واحد قامو الاخوان كلهم عليه وابني عمره 10 سنوات وهم اكبر منه وتصير احزاب وحركات تطلع اضغط غالبا يكون موقف ولدي ضعيف مع ان الحق معاه لكنه يضيع بينهم وانا استحي كل شوي انزل واخاصم واسأل ليه وماليه لأن لافائدة من هذا ماشفت نتيجة بالعكس يمكن يعادوه زيادة صرت احاول اني اكلمهم بعقلانية وافهمهم وبرضو مافي فايدة انبح صوتي بالدروس عالفاضي حسيت كأني اترجى رحمتهم وان طنشت انظلم ولدي كلمت امهم ماتقتنع لازم ان ولدي( هو اللي بدا على قولهم) مع ان ولدي ماهو مشكلجي فيه شقاوة عيال بس ماهو صعب
ما اعرف اضرب ولا اخاصم بأعلى صوتي ولا ابغا مشاكل يدخلون فيها الكبار مثل مايصير دايما قولولي كيف الحل نفسيتي والله تعبت اخاف اكثر شكاوي على زوجي ويثور وتتشربك العايلة بمشاكل اطفال
ارشدوني الله يعافيكم ترا ماكتبت الموضوع اللا بعد ماضاقت فيه ولادريت اش اسوي