[هدى وهداية]

كان عندك هم لاترفع تقول
..........يااله الكون همي كم كبر
قل ياهمي ترى مهما تصول
..........عندنا رب كبير يابشر
كل هالدنيا ترى مثل الفصول
..........ضيقتين وفرحتين وكم كدر
القهر لو طال في يوم يزول
..........كن ماجانا بدنيتنا قهر
والبكاء قصه بدايتها هطول
..........والخدود ارض ودمعاتك مطر
الزهر لو عاش من دمعة بتول
..........كان في خدي من الدمعه سهر
والسهر مااتعبه ليل يطول
..........لو يطول الليل ماذل السهر
المهم اسمع كلام اللي يقول
..........بيت شعر ناحتينه بالحجر
لو يجيك الهم لاترفع تقول
..........يااله الكون همي كم كبر
قل ياهمي ترى مهما تصول
..........عندنا رب كبير يابشر
سلوم السلوم