تذكرت الزمان
تذكرت الزمان اللي مضى لي يوم جانا الليل
تذكرته وانا عيوني من دموع العنا غرقى
تهل دموعي الحرا على هاك الزمن وتسيل
على خدودن محرقها عنى أيامها حرقى
زمان فات يا طيبه أحب أهله وأحبه حيل
وله في خافقي ذكرى بدم عروقنا تسقى
ألا يا ليل سامرني ترا ما عاد فيني حيل
ولا لي خل يسعدني ولا لي صاحبن يلقى
ألا يا ليل أبعدنا وعقب العز ذقت الويل
تفرقنا وما كنا نحس بطاري الفرقى
ألا يا ليل اقفى جيل واقبل في سنيني جيل
ومن حبيتهم اول على عهد الوفى ببقى
ألا يا ليل ذكرني بهم نجم الجدي وسهيل
وذكرني بهم رجم أجي له ضايق وارقى
ألا يا ليل غصب ابكي وراسي من بكاي يميل
والا من ناحت الورقى اجاوب نوحة الورقى
تذكرت الزمان اللي مضى لي يوم جانا الليل
تذكرته وأنا عيوني من دموع العنا غرقى
تهل دموعي الحرا على هاك الزمن وتسيل
على خدودن محرقها عنى ايامها حرقى
التعديل الأخير تم بواسطة ::شبكات :: ; 2007-07-18 الساعة 3:52 PM.
| توقيع ::شبكات :: |
|
غفر الله لي ولكم
|
|