ان كان بك دمعة وتستحي انها تطيح قدام البشر
من الهم اللي صابك
خوف انهم ما يفهمونك
او يضنون ان هذا دليل ضعفك
لا تستحي تنثرها
بعتمة الليل
للي يسمعك وما يخيبك
لا تستحي تنثرها
للي يدري كيف البشر يفهمون
او يتعمدون انهم ما يفهمون
ترا قلوب البشر ضعيفه
ذل من لجا لها
وخاب من ترجاها
لا تنسى انهم مثلي ومثلك
بلحظه تصير انت ماتهمهم
ولا تعني لهم
رغم انهم يهمونك ويعنونك
هم البشر كذا
قلوب متقلبه
وخواطر متغيره
لها في كل وضع حال
...
لا ترمي همومك على الناس
يقتلونك بسوء فهمهم
وارمي همومك على الجبار
واضمن لك انه ما يردك خايب ومكسور
لكن افهم انت كيف ربي يقدر قضاه فيك
وانا ابصم لك بتعيش راضي ومتهني
وهمك بترميه بدرب التناسي
وترتاح يوم اللي غيرك شكى الهم
لكثير الناس
وكل يوم له مع الهم صفحه
جفا وصفحه من التجافي
...