[تركــي]

السلام عليكم ورحمة الله وبركاته

زيارة أوليه لهذا القسم الهاديء من بين أقسام المنتدى الرائع لأهديه هذه الخاطرة المتواضعة
قياسا لما فيه من درر مكنونة ونفائس منثورة ...


إليكم بث حزني ...


يابحر .. فيني من الحـزن .. كثـر مافيـك ..

من حزن .. وأوجاع .. وغياب .. وغرايـب

لاتلومنـي إليـا شفتنـي .. دايـم أجيـك ..

ولاشفتني دايم .. علـى الشـط .. ذايـب

حزني كبير .. أكبر من حدود .. شاطيـك ..

وأقسى مـن جـروح الزمـان .. العطايـب

وإن كان تنشدني فـأنا .. مقـدر أخفيـك ..

دايم اظـن .. ويطلـع .. الظـن .. خايـب

في هـالزمن .. أقرب حبايبـك .. يشقيـك ..

إليـن تدفـع فـي غــلاه .. الضـرايـب

من بعد هذا .. يبتعد .. عنـك .. ويجفيـك ..

ماكنه .. بـجنبك .. قضى الوقت .. طايـب

وإلا .. الخـوي اللـي توقعـت .. يفـديـك ..

يقفي .. والقلب .. من بلواه .. صايب