تأثيره على العائله جميعاً يقول صاحبنا انه كان يضحك على هذا الكلام ....
ويقول انا شخصياً....
متزوج وزوجتى تعلم ومتاكده انى احبها فما فائدة الكلام هل نحن بمسلسل تلفزيونى ويجب ان اسمعها يومياُ انى احبها.المهم يقول صاحبنا كنت مضغوط بالعمل لمدة 3 شهور وحبيت اخذ اجازه لمدة اسبوعين وفعلا اخذت الاجازه. وفى اول يوم اجازه كنت بالصاله واتصفح الجرايد واشوف التلفزيون وكانوا يتكلموا عن الزوجه وعن فوائد اسماعها كلمات الغزل. وخطر لى ان اضيع هالاجازه بفلم من اعدادى واخراجى واسميه الضحك على الزوجه.
وبدا الفلم من سمعت صوت الاولاد وهم راجعين من المدرسه ومعهم المدام(المدام معلمه).
لما دخلوا البيت مرت المدام من عندي رايحه لغرفتها فأوقفتها وقلت:
هلا وغلا هلا بعمرى ونور عيونى، فنظرت الى وقالت الحمد لله اكيد تحلم ودخلت الغرفه فدخلت معها واعدت ما قلته لها مع حضنه خفيفه وخرجت.
واثناء الغداء قمت أمدح طبخها واقول انى محظوظ ان عندى زوجه حتى وهى جايه من الدوام ومتعبه تهتم لى وتطبخ طبخ حلو ومو اى كلام. بنت الحلال مو مصدقه وقالت الله يستر من الى وراء هالكلام اكيد فيه شى.
وبعدالعشاء دخلت غرفة الملابس وبدلت استعداد للخروج مع الشله ولما طلعت للصاله لم اجد المدام كالعاده عند مسلسلها المفضل فدخلت غرفة الاولاد وسالت عن امهم قالوا بالمطبخ .
مريت عليها وقلت غريبه حبيبتى مو عند التلفزيون قالت: بكره فطور المدرسات علي انا ، (فخطر لى ان اكمل الفلم حقي) فقلت: حبيبتى لا تفوتى المسلسل الى انتى متابعه وانا اجيب لك كل شى من برا ،
استغربت وقالت: انت تتكلم جد
قلت: نعم .
كتبتلي الى تبيه واخذت الورقه وقلت خلاص حياتى وانا راجع اجيب الى طلبتى.
ولما طلعت من البيت خطر على بالى انى ما اروح للدوانية اليله واجيب الى طلبت واشوف نهاية الفلم.وجبت طلباتها ورجعت ويوم شافتنى استغربت وظنت انى جبت ا لاغراض لانى بتاخر بالسهر لان ما عندى دوام.لكن تفاجاءت لما بدلت وكانت بجنبى فحضنتها وقلت: حبيبتى بتعشينى اليوم ، ورحت للصاله جلست .
المسكينه لحقتنى وقالت: يا ابن الناس قولي وش عندك تراك خوفتنى ....
قلت: والله ما فيه شى ابد ..
وقامت من عندى ورجعت وبيدها مصحف
وقالت: تحلف عالمصحف ان ما فيه شى
قلت: طيب ..
وفعلا حطيت يدى عالمصحف وحلفت... !!