[ورد الريـاض]

.. بعض مما قيل عنه ,, وبعض من الرثاء قال وداعاً قبل وفاته .. الحمد لله والصلاة على سيد المرسلين وبعد: رحم الله أخانا الكريم طلال العبد العزيز الرشيد وغفر ذنبه وأسكنه فسيح جناته. فقد فجعنا بوفاته وتكدرنا لفراقه وحزنا لموته }إنا لله وإنا إليه لراجعون{. عسى الله أن يتقبله شهيداً عنده, لقد جلست معه قبل مقتله بأيام ووجدت فيه الأدب والعقل وحب الخير وحسن التعامل ولطف المعشر, وعزمت أنا وأياه مع الأخ الأستاذ محمد المالكي على مواصلة السير في العطاء ونفع الناس.. وتقديم الكلمة الصادقة الطيبة والتعاون على البر والتقوى ولكن قدَر الله وما شاء فعل.. وقد أثر في دعاء له كتبه في زايته (فاصلة بيضاء) يسيل هذا الدعاء رقة وخشوعاً وإخباتاً لله فكأن طلال يقول لنا عبر هذا الدعاء وداعاً أيها الناس وكأنه يشير لنا أنا أيامنا هنا قليلة وأن عمرنا محدود وأن رحيلنا أوشك. جمعنا الله به في جنات نعيم وأنزل على أهله وذويه وأبنائه الصبر والسكينة والسلوان وأقول : اللهم أغفر له وأرحمه وعافه وأعف نه وأكرم نزله ووسع مدخله وأغسله بالماء والثلج ونقه من الذنوب والخطايا كما ينقى الثوب الأبيض من الدنس وصلى الله على محمد وآله وسلم. د.عايض القرني في أمان الله يا طلال رحم الله أخي طلال.. وعظم الله أجر والدته.. وزوجته..وإبنه نواف..وابنه عبد العزيز وأخيه زامل الجرباء.. وأخيه عبدالعزيز وعظم الله أجرنا جميعاً.. أخواني وأخوان أخي طلال في بيته الذي نراه ونتصفحه (فواصل) والذين فقدوه كثيراً والذين طلبوا مني أن أكتب عن طلال, ولكني فضلت أن أكتب لأخي طلال, وأنا متأكد أنها ستصله وترضية بأذن ربه وهي رحمك الله أخي..وغفر لك..وغسلك بالماء والثلج والبرد ونقاك من الذنوب والخطايا..وجعل وفي أمان الله..أخي وصديقي طلال. سعود بن عبدالله ◦˚₪˚◦ ◦˚₪˚◦ قصيدة للدكتور الشاعر/فهد بن سعود العصيمي .. طلال ما شفتـه ولكـن عرفتـه = هذي تراها جملة بعضها لغز!!! طلال يوم اني عرفتـه حسدتـه = على جموع حبها له ترا كنز طلال ليت اني لهرجـك سمعتـه = لاجيك واجلس جلستي عندكم عز دمعي أنا بالامـس والله ذرفتـه = والقلب يا الأجواد من فرحته فز قالوا لي بقولي وهرجي سحرتـه = ماني مصدق! هو ذا الحكي صز؟ هذا الوسام اللي ترانـي رفعتـه = نور سماي بداخلي راكزه ركز من نافسك بالخيـر والله سبقتـه = ركضك سريع ودايم تعشق اللز هذا ترا شعرٍ من أجلـك بدعتـه=في قبركم ذا اليوم آكزها كز قصيدة للشاعر/عبد الله بن نايف العتيبي .. وا عبني اللي ماتهنت بهمــــــــلاج = عن نومه أزعجها البيان المفاجي امسيت في صدري من الوجد وهاج = ومما دها عزمي تكدر مزاجـــي لا وا طــــلال اللي عليه القضى راج = واقفى عن الدنيا طليق الحجاجي فيه الحسايف عقبت فيّ سوهــــاج = والا القضى مالي عليه احتجاجي مرحوم ياللي لك بالأمجاد منهــــــاح = يالصافي الشهم السماح الهجاجي عسى مقرك يا سند كل محتــــــاج = في جيرة اللي من هل النار نـــاجي الصبر يا شمّر مفاتيح الأفــــــــــراج = عند الفراق اللي شرابه همــــاجي الله يجبر كسركم عقب هــــــــــداج = ريف الضعيف اللي يجيه متـــــلاجي والكسر مايجبر اليا جاء بالأمهــــــاج = وجرح المنية مــا لقي له عــــــلاجي يا ضلع اجا تدعيك ابانات وســــــواج = وسلمى تحثك يمنهن بالــــــرواجي تبي تواسي بالعزى ذيك الأبــــــراج = وتزعج عبايرها بذيك الهبــــــــاجي ولو سيلت بدموعــــــها ازراج الأزراج = تعذر اليا نــاحت سراج الـــــــدياجي ياليت لأخذ الثار بالشيخ مـــــــــدراج = كان أنتخي وأنخى فهــــود الزراجي ويفاجي أهل ( الجلف ) والنور مانباج = جمع يفرقهم وهم بالمحـــــــــاجي حمعٍ يجي له فوقهم عرك وعــــــلاج = لين تغدي ذيك الصحاري عجــــاجي تاخذ سنه والذيب فيها اليـــــــــا داج = زاده رخى ما يلتفت للنعـــــــــاجي يالحايلي كانك على الشيخ مخـــلاج = خذني معك يسند خلاجك خلاجي لو البكاء نوع من أنواع الإزعــــــــــاج = ويزيد من نبش الجروح اللـــــــواجي قدامنا سعدون للدمــــع زعـــــــــاج = ولا ردت الدمعة عقاب العــــــــواجي قصيدة للشاعر/ نايف الرمالي الشمري .. أصعب خبر خلى البشر ترجف إرجاف = بكّى قبل يبكي صديقه عدوَّه هز المشاعر هز وإسترسل القاف = العاصفه يسبق عجاجه هدوَّه ما جور يا جمع الطنايا ونواف = بالضيغمي طلال زبن الجلوَّه يالله عسى حد الجزاير للإتلاف = ياعل عنها ياقف الغيث نوَّه اللِّي غدت في حر نجدٍ والأطراف = يا ليت تنفع .. لو .. لأقول .. لوَّه طلال إبن عبدالعزيز إبن الأشراف = نطَّاح عسرات الليالي بقوَّه عليه حايل دمعها ديم هتَّاف = وجه الجبل بعد الفرح شان جوَّه مرحوم يا شيخٍ ورث مجد الأسلاف = من وقتنا هذا لوقت النبوَّه يا عز نوره يا تحت سترها الضاف = يا نجم شمَّر في سماه وعلوَّه شيخٍ بوجهه تجتمع كل الأوصاف = تعطي ولا تاخذ آيادي سموه ليثٍ يروم النايفات من الأهداف = رجله على دوس الخطر به جروَّه على السلوم الطيبه عقل وإنصاف = ما هزه الفكر الحديث وغلوَّه له بالولع والبر والشعر ميقاف = والطير حبه .. حُبْ .. شمَّر لضوَّه شمَّر بموته جرحها شلِف ورهاف = طول الزمن ما ظن يرجى بروَّه يالموت بعده ما بقى شي ينعاف = بالله سو اللِّي تبي اليوم سوَّه ..وأخيراً .. ..مات طلال .. ..لكن لم تمت سيرته .. ..مات الملتاع .. ..وبقت ذكراه الطيبه.. وقصائده ومحبته.. تنبض بها القلوب .. ..رحمك الله يا ابانواف ..وأسكنك فسيح جناته .. ... ..