ماعابني دمعي على الخـد لو جبت .... عليـك دمـع وسم بخدي أحـــــــــدود
ياللي عليك الدمع لو فاض ماعبـت .... عيـني ولكـن الصـبر طبع محــــمـود
الموت مـاغيبك عنا ولـو غبـــــــت .... ذكرك على صفحات الابداع موجـــود
أرجي عسى ربي كثـر مـاتعذبـــــت ..... يرحمـك بالجنـة عن ايـامك الســـود
مـاطابت الدنيا بعينـك ولا طبـــــــت .... مايوم في ساعـة فرح كنت محســود
اول حياتـك في همومـك تغربــــــت .... واخـر حيـاتك مـابقى للــــعـــــنـا زود
دنيا الشقا ودعتـها مـاتطـربــــــــت .... منهـا بغير الهـم والحـزن مـــــــردود
صديت عن قاصي وداني وجنبــــت .... وقتـك معزة مـاهو برغبـة صـــــدود
وتركـت هالدنيا لغيرك وغـربــــــت .... مـالك محـاسيفٍ ولا شـئ مـــــــفقود
عسى العوض ياللي من الهم شيبت ..... في جنـة الرحمـن وبظـل ممـــــدود