يا حلو معنى الطفولة
(( باللهجة الخليجية ))
يا حلو معنى الطفولة
ويا حلو النفس الخجولة
ويا حلو ناس تودك
لي غدت روحك ملولة
وان نسينا او قسينا
او زعلنا او رضينا
لا حشا محد يواخذ
ونكتشف كلن يبينا
يا زماني وان كبرنا
وان تعدينا وصغرنا
ينقلب من هو يحبك
وتصبح الذكرى صورنا
وش بلا عطف البرايا
بالبدايا والحكايا
علموني وش اسوي
لاجل من يبقى معايا
يا الطفولة يا وجودي
لانتهت منك عهودي
ذكري من هو حضني
لا قوى غصني وعودي