[الصابرة........]

صرت مهمله نفسي لأبعد الحدود،حياتي احسها اتوقفت خلاص مافي امل في شي ،حتى بيتي ماكانه بيت ،غرفة نوم ماعندي ،ولما أحاول إني أهتم وأضبط أموري أفكر في المادة ،،قبل فترة جاله ورث وقلت حيتحسن الوضع بس ماكأنه صار شي المشكله في الزوج مو في الفلوس،لو أطلبه أي مبلغ مايقول لأ ويصرف على أولاده بالهبل ولما تخلص فلوسه ويحتاج يروح يتسلف من الناس وعنده قائمة أشخاص في جواله يطلب منهم ،وعلى كده كل بعد فترة يطلب ولما يجيه مبلغ من الدخل يسددهم غير الناس اللي ماسددهم له فترة ومتراكمه عليه الديون ،والله ولا همه ،وأنا عشان كده مضيقة على نفسي مرة واحاسب على كل قرش ،مع اني شايفته يلعب بالفلوس لعب ودمي ينحرق
حتقولولي طيب بحبحي على نفسك ،حقولكم طيب مو حرام احمله ديون اكثر وأنا عارفه انو هادي تصرفات انسان غير مدرك ،والله ساعات أفكر إني أقول لأهله أعطوني أنا اللي يجي من الدخل وأنا أتصرف بس ما أبغا أنزل مكانته عند أهله ،بس والله انا تعبت من العشوائية ومافي حل ،مرة سعيتله في مشروع وكسب منه مبلغ محترم ,حاولت معاه انو يشتري فيه ارض او شي ينفعنا مارضي حتى نصيبي ماعطاني هو وبعزقه كله ماستفدنا منه شي .