[الصابرة........]

إخوتي أحب أن أستشيركم في هذا الموضوع ,,أنا عيش مع هذا الرجل من17سنة بس أحس


انو نفسيتي تعبت ،لما خطبني عجبني شكله ووافقت مع انو اخته قالتلي اخويا مريض نفسي واتعالج خلاص كان عمري 19 سنه وماعندي فكرة عن المرض النفسي كنت اتوقع ازمة نفسية وعدت بس طلع مرضه انفصام الشخصية كان وقت الملكة موباين عليه شي غير انو اصابعه مشدودة مرة وامي مستغربة من دا الشي ،حتى راتبه كان مره ضعيف ومعتمد على ابوه في كل شي مع انو اكبر مني بعشر سنين والله انا اتفاجأت بمعاملته ليا من اول يوم جاف جدا في المشاعر يومها انقهرت مرة المشكلة اني االحمدلله موناقصني شي وجميلة جدا والله ماكنت ابغا اسلمه نفسي بس والله كان كانو اغتصاب ،انا قبل مااتزوجه كان ابويه كل يوم يجيبلي عريس وانا ارفض ,ابوية مادي جدا واخر عريس جابه كان مصمم عليه بس انا رفضت لانو خالي قلي عليه انو اتزوج 3 قبلي وكلهم ماتو واتعالج في مستشفى نفسي وكمان كبير ومو متعلم ,ولما خطبني زوجي الحالي ابوه قال لابوية على كل ماضيه الغير مشرف ومع كده ابويه سكت ماقلي شي (والله حسيت انو يبغا ينتقم مني)لانه قالي ايام الملكة ((مو بعدين تجي تقوليلي مابغاه هدا اختيارك ))لانو ماجاء عن طريقه ,حسبي الله ونعم الوكيل ،انا فكرت اني اطلق وقلتله سيبني من اول شهر بس قالي ما اقدر استغني عنك ،بعدها حملت وهو دخل المستشفى
والله كنت اتقطع من الألم اتخيلي تشوفي روجك مجنون مايدري عن نفسه ........
حياتي اللي عشتها كلها كآبة وضيق ،بس ايش اسوي ,عايشين على فلوس ابوه اشتغل فترة بعدين ساب عمله ،تعبت فترة والحمدلله اهو في طريقي للشفاء ،اتخيلي تكوني قاعدة مع زوجك وفجأة يضحك بدون سبب وهذا مع العلاج ،بعض الناس نصحوني اني اشوف احد يرقيه ،بس هو مايتحمس لشي ابدا ولا يفكر في شي ،حاسة اني عايشة مع انسان بدون مشاعر ،وبدون مستقبل مع اني ما اقول لأحد ولا أشكي لأحد واردد دايما اللهم آجرني في مصيبتي واخلف لي خيرا منها .
مشكلتي الحالية اني ماني عارفة كيف اتعامل معاه،وابغا انفك منه لكن عيالي فين يروحو ،حاسة اني مخنوقة واتمنى اليوم اللي يقولولي فيه زوجك مات .
والله ابوية وزوجي كرهوني في كل الرجال.