مغرورة
مغرورة ..
من حقها ذاك الغرور
مغرورة ..
في صوتها فرح وسرور
تقول القمر يا أستاذتي
يمشي معانا
أحس انه
ذاب في هوانا
أحس انه لنا
ما يبغي أحدٍ سوانا
مغرورة ..
ويازينه ذاك الغرور
*****
قلت : اكتبي عنه
أو ارسميه
قالت : هذا اللي أريده
أخذت ورقةٍ سوداء
ورسمت فيها بالبياض ..
دايرة فيها عيون وفم
وكتبت تحتها هذا ..
أنا القمر
قلت : واين باقي ملامحك
وين انفك .. خدودك
والشعر ؟
عضت قلمها وفكرت
قالت : رسمت اللذي يشبهني
بياض القمر .. في وجهي
سواد الليل في عيني
وباقي الصفحة .. تراها
هي الشعر
قلت : والفم لماذا رسمتيه ؟
قالت : لأني عن الكلام ما أصبر
وإن سألتِ شو رسمتِ
يجاوبك : هذا القمر ..
وأنا القمر