دار هذا الحوار فيما بيننا..
انا: لو سمحت اخوي عندي معامله بتاريخ كذا.....اتصلت قبل فتره وقالي الموظف انها مرفوضه بس وش السبب الله يعافيك..
الموظف: كم رقم المعامله؟؟
الموظف:يااختي المعامله مب مرفوضه هذي هي قدامي..
انا:شلون مب مرفوضه وانا متصله قالوا لي مرفوضه اخوي مراجعكم قالوا له مرفوضه حتى القسم النسائي قالوا لي مرفوضه!!
الموظف: معليش اختي اذا داقه على نفس هالرقم مافي احد بيرد عليك الا انا وفلان وفلان من مكلمك وش اسم الموظف؟؟
انا: مدري والله ماسألته ولا اعطاني فرصه اعرف وش سبب الرفض
الموظف:معليش يااختي ترا عندنا نفسيات ويمكن هو عنده صلاحيات اكثر مني عشان كذا عرف
انا:انا وانا اصيح من القهر ليش مرفوضه انا شهادتي امتياز ومن حقي يعطوني فرصه اكمل ناس
فلسطنيين راحوا على حساب الدوله وانا بنت البلد مرفوضه ليش بأي حق انا ماطلبتها منكم
طلبتها من الملك من ابوي عبدالله ولو الخطاب وصل له شخصيا والله وماردني ليش تحسسونا
اننا نطر منكم وانا مانطلب الا حقنا حسبي الله عليكم
الموظف: هدي نفسك يا..... حتى في يمنيين طلعوا من عندنا انا حاس فيك
انا:بصدمه بعد يمنيين يطلعون على حساب الدوله وانتم كاتبين في الشروط انها للسعوديين فقط
الين متى هالفساد الين متى الظلم الين متى العب تحت الطاولات الله يوريني في اللي رفض المعامله عجائب قدرته يارب ياكريم
انا: بمقاطعه للمموظف يعني انت تقنعني ان اللي عندك يشتغلون بذمه واخلاص؟؟
الموظف: طيب انتي وين تبين الدراسه..
انا: ابي مكان الدراسه.......
الموظف: انا اقدر اخدمك بشي واحد خلي ولي امرك يجينا وانا ادخله على الوزير او نائب الوزير اللي يبي..
يتبع.......................