[حبكـ أنا]

تزوجت وجلست معه سنه و8 شهور ماعمري اختلفت انا وياه على شي متفاهمين لاابعد درجه لدرجه اني كنت احسد نفسي عليه
طبعا حملت مرتين واجهضت الحمدلله على كل حال ربي ماكتب لهم يعيشون في بطني كنت اجهض بدون سبب فجاه يتوقف النبض
اخواته وامه كانو مره متسلطين حسبي الله عليهم بس كنت اصلح اي شي علشان ارضيه على حساب نفسي طبعا وماكان يبين بعينه يعتبره واجب امه واخواته بدو يكيدون لي الفتره الاخيره ويحاولن يستفزوني ويحقروني مااادري ليه كنت احترمهم ومن تزوجت يطلعون معي ماعمري طلعت مع زوجي لحالي اذا بنسافر معنا مطعم معنا اكل وشرب معنا لدرجه اروح بيت اهلي يروحون يجلسون بشقتي
ص ارو يخارون لي ملابسي يتدخلون في كل شي حتى اذا بروح اهلي يمنعوني طليقي كان طفل وحنون وطيب ومايحب المشاكل وامه كانت كل حياته ممكن يقتل علشانها

الزبده في شهر 7 امه طلبت مني معد استخدم الجوال(ممنوع) ومن يوم ادخل البيت عندهم افك عباتي وادخل المطبخ(عندها شغاله و8 بنات وزوجه ولد غيري عندها بالبيت) وانا مااقصر ادخل واساعدهم واجيب معي للعشاء وحلى في كل يوم اروح لهم فيه
نا هنا انفجرت وقلتلها معليش ماابي احد يتدخل بحياتي

بعدها بأسبوع قالي بسافر جهزي اغراضك بينزلني عند اهلي قبل اطلع البيت ضمني وقال لاتتوقعين اقدر اعيش بدونك انا هنا عورني قلبي
طوال الطريق ماتكلم ولاكلمه وصلت بيت اهلي قالي اسمعي انا احبك بس لاتتوقعين احبك اكثر من امي وسامحيني وحلليني هنا ماتكلمت ولا كلمه ونزلت لاني احس اني بصدمه ماادري وش اخرتها
دخلت البيت اتصل على جوالي قالي لعد تتصلين ولاترسلين وورقتك توصلك يوم السبت وسكر جواله