هامت بي الدنيا وانا اليوم موحـود
اقلب همومـي ياعساهـا تحولـي
لاقلت هان الوقـت يزيـد بـه زود
عمري قضيته وانتهى اليوم زولـي
مالي علـى الايـام حكمـن ولاذود
ولالي مشاكي يفهـم اليـوم قولـي
واصبحت طايح فالذرى شبه موجود
وابكي صويب(ن) ماليه من يعولـي
مثل الغريـب المبتلـي وده يعـود
لديرة اهلـه والصعايـب تحولـي
وحال الغريب يهون من حال مصدود
طول العمر مقهور وطايح ذهولـي
عاش الفراق وعاش تايه بلا حدود
عاش الهنا لحظه وحزنـه يطولـي
عايش يتيم(ن) في حياته وموحـود
يفرح بطيف(ن )زاير(ن )مايطولـي
يالله عسى أيام الهنا مالهـا حـدود
وكل الشقا والضيـم عنـه يزولـي