الله ياخذك يا فستق يعلّك العلة ان شاء الله ......!
أنا يوم كنت صغيرة في سن ال 19 كان عندي قطوة نونووو و حلوة ربيتها من و هي صغيرة .. و كنت أحبها وااايد ،،
كنت أأكلها و أشربها و وفرلها بيت و لحفها عن البرد ،، كنت حتى أبوسها على خدها و أمسّحها و أحطها على ريولي و أصنع لها ثياب و طوق لرقبتها ( كنت وااااااايد مستانسة فيها )
كبرت و بلغت و تزوجت ( كنت أختار لها الزوج المناسب ، أكش عنها القطاو المشردين و الوصخين ) و يابت اشكثر عيال ، حضرت ولادتها مرتين و جفتها و هي تولد ( وحليلها كانت دموعها تنزل من شدة العوار ) >>> الأم لازم تعاني سواء كانت حيوان أو انسان ..!
و ربيت عيالها و عيال عيالها و عيال عيال عيالها .... الخ
المهم .. لين يه الوقت اللي كنت خايفة منه ،،، و مرضت قطوتي مرض شديد ، حاولت أساعدها لكن ما رمت ،، ثاني يوم لقيتها ميتة تحت السرير في غرفة أمي و أبوي .. أول ما خبروني انها ماتت ما صدقت ،، و يلست أصيح مثل اليهالوه و خواتي يضحكون علييه .. و ما خليتهم يعقونها في الزبالة مثل أي قطوة تموت ،، خليتهم يدفنونها في الأرض اللي حذال بيتنا ..
تميت لسنوات طويلة و قطوتي ما نسيتها و كل ما أتذكرها أيلس أصيح .. حتى خواتي يخافون يكلموني عنها عسب ما أزعل ..!
عندي لها صورة كتذكار صورتها و هي منسدحة عالزرع ^^
أنا صحيح كنت يوم صغيرة أحب الحيوانات ،، لكن الأليفة فقط ،، و ما أربيها داخل البيت .. !!!
و بس ... ^^! *