السلام عليكم ورحمة الله وبركاته
كم يعتصر القلب و يعتريك الحزن والالم عندما يعتصر ذهنك ويأتي لك بفكرة وتكتب بها موضوعا وتقول الموضوع ده ان شاء الله هيكسر الدنيا وتعصر دماغك في عنوان يشد الناس وتعصر وتعصر..............
وبعد كده خير اللهم اجعله خير تدخل متلقيش حد بل ريئك ولو بكلمة جزاك الله خيرا
تدخل كمان شوية تلاقي واحد او اتنين ردوا...
تقول الحمد لله السما بدأت تمطر...
وفجأة تلاقي المطر وقف....
وتقول في نفسك كتر خير اللي ردوا عليا لانها والله بتفرق في نفسية اللي بيكتب الموضوع حتى لو بس هتقوله جزاك الله خيرا لانه بيحس ان موضوعه نال استحسان وبالتالي انت من غير ما تاخد بالك بتشجعه ان يطور ويكمل
وانا كنت كده بزعل لما الاقي نفسي وحيدة في موضوعاتى وبتعب فيها انا واخوات ليا ومش بلاقي ردود افعال كما اتوقع
فكنت اشعر بالاحباط الشديد
ورسالتى لكل اللي بيكتبوا موضوعات وانا قبلهم اذكر نفسي
لا تمني نفسك وتزعل لوموضوعك لم تجد فيه الردود والمشاركات التى كنت تتوقعها.....
فيكفيك شرفا وفخرا ان رب العباد خالق هذا الكون مطلع عليك في كل وقت وحين على ما تكتب لنشر الدين وذكر الله واعلاء كلمته وهو يشكر لك ذلك بالتأكيد
فلا تيأس وتقول مش هكمل خلاص محدش واقف جانبي
يا سيدى ربنا واقف جانبك وشايفك وبيشكر لك صنيعك
فهذا الدرس قد تعلمته من سيدى وحبيبي رسول الله صلى الله عليه وسلم وسيدنا يوسف عليهم وعلى انبيائنا كلهم الصلاة والسلام ان يكفينى ان الله مطلع على اعمالى وهو الذي يقيمني
يكفيك ان الله مطلع عليك وعالم بنواياك
اكمل في طريق ولا تتوقف حتى لو مكنش حد بيشارك في موضوعك غيرك انت بس
عليك الدعوة وعلى الله البلاغ و التكلان
ومن هنا ان بشكر كل اخ واخت كتبوا موضوعات لهداية الناس واشكر اكثر كل من ثابر واستمر في موضوعه برغم قلة المشاركات
واشكر كل الشكر كل من ساهم معى بموضوعاتي ولو بكلمة جزاك الله خيرا
فلا تستحقر اي عمل تفعله لعلك بكلمة تغير مصير انسان من الضلال للهداية ومن طريق اليأس الى طريق النور والامل
انا برسالتى لي هدفين عاوزة اوصلهم
الهدف الاول موجه لكاتب الموضوع انهم ميقهروش نفسهم ويستمروا في الكتابة والعطاء حتى لو غفل الاخرون ميموتش موضوعاته ويطورها ويجددها لانه في الاول والاخر عاملها لله
فما كان لغير الله انقطع وانفصل وما كان لله دام واتصل
الهدف الثانى موجه للاعضاء الافاضل والكرام ( لله يا محسنين لله مشاركة قليلة تمنع بلاوى كتيرة ولك الاجر والثواب ياللي تدخل وتشارك ولو بجزاك الله خيرا)
لان ده هيشجع كاتب الموضوع في الاستمرار والعطاء وده هيكون في ميزان حسنات الجميع وهنحتاج الحسنات دى في الاخرة يا جماعة
الاعضاء لو يعرفوا ان لما بيشاركوا ولو بكلمة جزاكم الله خيرا ده
1- بيرفع من همة الكاتب ويخليه يبدع ويزود اكتر
2- الموضوع يطلع للصفحة الاولى وناس اكتر تشوفه وبكده الثواب هيكون على الكل ( هى الناس مش عايزة حسنات ولا ايه!!!؟؟؟)
انا احيانا بكتب مشاركة بنية انى ارفع الموضوع للصفحة الاولى وبكده ناس اكتر تشوفه واشارك في الثواب
ده الصحابة كانوا تجار نوايا علشان يزودوا حسناتهم
احنا طيب عايزين حسنات ولا ايه؟؟؟؟؟؟؟؟