مانيب بـانـيـها عـلـى قـاعـدة مـش == هرجك على غيري ياغشاش مشه
طبعي كذا لاحـب انـافـق ولااغـش == والـي مـااقدملـه نـصـيحـه مااغشه
تهرج ومن خلف الكواليس منخش == الــي بـقـــلـبك طـلعــه لاتــخـشــه
بعض البشر يحفظ كلامه ماينطش == وبعض البشر كامل كلامه تطـشه
وش الـسبب لاشفتـني وجهك يكش == مـشـاعـرك يـمـي هـي الي تـكشه
مـغــتاظ ولا ودك لـغـيـظـك اتـفش == غيظك يزيد وتحـسب انـك تـفشـه
عـفـواً تـرانـي مااتعـامل مـع الـهش == الي عظامه في المـواقيـف هــشه
قال المثل يحكم على الصقر بالعش == يـبـين مـن شـكـله وهــوه بعــشه
وقـال الـمـثل بـداية الغيث من رش == الغـيث وهـو الـغيـث يـبدا بـرشه
والورد ماينبت من اغـصانه المش == الورد يـنـبت ورد والـمش مـشـه
منقول الشاعر:مفرح سيف الملحي السبيعي (فاهم النظره)