بلاتين;2882066]إذا كان طنين في الإذن اليمنى يكون أحد يمدحك وإذا اليسار يكون أحد يذمك ,, إذا طاحت رمش عينك وأحد يسألك تمنى أمنيه بعدين يسأل الرمش اللي طاح يمين ولا يسار إذا خمنت صح تتحقق أمنيتك <<قالتها لي صديقتي كويتيه ,, بس أنا ماأصدقها ,, احسها خرافات ,,[/QUOTE]
السلام عليكم ورحمة الله وبركاته
يالغاليه معاج وحده كويتية
* مسألة طنين الاذن اليمنى يكون احد يذكرك بالخير
( وفتحت على منتدى اسلامي وجدت احد الاخوه في الله يخبر بحديث عن الرسول صلى الله عليه وسلم بما معناه اذا حدث طنين الاذن فصلوا علي وتكمله نسيتها ولكن ضعفه احد الاعضاء
وفعلا اذا طنة اذني اليمنى قلت " الله يذكره بالخير من ذكرني بالخير ".....
واذا طنت اليسرى استغفرت ... (اجتهادي).
* اذا طاحت الرمشه هذي لعبه كنا نلعها مثل الاناشيد القديمه لمرحلة الابتدائي والمتوسطه .
* اذا رفت العين اليمنى تباشرنا بعودة غايب .
*كان ابوي الله يرحمه وامي الله يطول عمرها بالخير اذا حكوا عينهم بالاصبع قبلوا مكان الحكه بالاصبع ليش ؟؟؟؟؟؟؟؟؟؟ ما ادري لي الحين هالعاده ما قدرت ابطلها ويضحك علي زوجي يقول انتي من الشيبان .....
* اما اذا حكتك رجلج عندك مشوار
* اما اذا حكتك يدك اليمنى فتباشري بعشا من منو الله اعلم بس ها مو انتي طابخته
اما اذا حكتك يدك اليسرى فتباشري بفلوس نقديه
* الجديد اني مره اسولف مع مرت اخوي الله يذكرها بالخير كنا في مكه وفجأه طريت اسم وحده من خواتي وما له شغل بالسالفه ....( قالت يمكنهم في سيرتك الحين .... ) جديده وحصريا لك
هذه مشاركتي ودمتم بخير ،،،،، وهي امور متوارثه ليس الا ولم ابحث عنها في التفسير والسنه .....
التعديل الأخير تم بواسطة ومن يتوكل على الله ; 2011-08-30 الساعة 1:47 PM.
| توقيع ومن يتوكل على الله |
التصميم للغاليه : حفيدة حميد
كل الشكر والتقدير لها
|
|