في وحده اعرفها دايما تتكلم بطريقه فضه!! عبالها ان هذا شي طبيعي وانها ماتقول الا الحق وهذي صراحه!!
ابدا هذي وقاحه..والمشكله الكثير مايفرقون بينهم؟
انا اقدر اكون صريحه حتى بالمواضيع اللي ماتعجبني اقدر ابدي رايي وبصراحه بدون اي تجريح بدون اي اهانه حتى لو كان الشخص اللي امامي يستاهل!!
لكن انا اعامل الناس باخلاقي مو باخلاقهم؟!!
لازم احرص على انتقاء الكلمه قبل لا اقولها ..لازم صراحتي تكون ثقيله موزونه راقيه اقدر اوصل النقطه اللي ابيها باحتراام ..للصراحه حدووود والصراحه المطلوبه دايما ماتصيب الهدف
لكن الوقااحه حجي فاضي وتنم عن اخلاق صاحبها وعن البيئه اللي تربي فيها وعن تفكيره وعقليته السقيمه يعني بالنهايه ..الانسان الوقح مرريض وناقص عقل :)