يا شبك ياللي قد خذوك الصقاقير = ياردي حظك كن ما جاك طاري
كم من سنه بتجيك ما تعرف الطير = وانته لك سنين على الطير ظاري
خسارة فقدك وشوفك مخاسير = لني إذا شفتك أغص بعباري
لني إذا شفتك بي الذاكرة تسير = واسير معها غصب والا اختياري
واذكر أيام مضت عادني صغير = يومي أشوف أبوي ذيب البراري
عاده يحمل عزبته ساعة عصير = ومن عقبها يحرك على الجيب ساري
وأقول في نفسي عسى يرجع بخير = ويجيب.. لي مثلوث والا حباري
واليوم يا شبك المقانيص بتصير = تمثال فوق جدار واحد حضاري
من عقبها بتذكر قصيدي بتكرير = يا ردي حظك كن ما جاك طاري
ابيات جميله
وعسى ربي يشافي ابوك ومرضى المسلمين اللهم امين