السلام عليكم ورحمة الله وبركاته
يلا لعيون بروقه
رز بشعريه أو لسان العصفور
نجيب العيش ونغسله نظيف وننقعه بماء بارد وقليل ملح ساعه نص ساعه
وبعدين نحط الجدر على النار ونضع قليل زيت ونحط الشعيريه أو ألسان العصفور ونحمرها تصير ذهبيه إلى بني يعني لونه معروف
ونصفي الماي من العيش ونضيفه على الشعريه ونقلبه قليلا حتى يتجانس وتنخلط الشعريه بالرز ونضيف ملح ونصب عليه ماء حار يغطيه 1سم تقريبا ونغطيه تقريبا 10 دقائق وبعدين نحط تحت الجدر حديده ونغطيه بالفوطه ونقصر على النار
وبعدين نحط في المقلى أو الطاسه ماعرف شتسمونها زبده ونسخنها ونحطها فوق العيش بيطلع طعمه روعه كأنه بوب كورن
ألحين الباميه
نجيب اللحمه ونغسلها وبعدين نحطها بماي حار نغليها غلوه أو غلوتين مع شويه فلفل أسود دارسين قليل هيل وبعدين نرمي الماي يعني نغليه قليل
نصفي اللحمه ونحطها على جنب
نجيب عصير طماطتين
راس ثوم بصل
معجون طماطم (صلصه)
نحط بالجدر زيت بعدين نحمر البصل وحط عليه اللحمه والثوم وقلبه شويه وبعدين عصير الطماطم وحركه وبعدين كمون وفلفل أسود بس(من غير كاري)وبعدين المعجون وحركه حتى تتجانس المقادير أجيب الباميه الصغيره وأضيفها وأصب بماي عليها من غير تحريك وخليه لين يغلي وتستوي اللحمه أقصر عليه وزسده ملح وبالأخير عصير ليمونه وسكره أوصبار(تمرهندي)وسلامتكم أي سؤال أنا جاهزه