[خلووووود الخالد]

يا لحون العـود والا يـا مجاريـر الربابـه = اختلف معنا القصيـد وضيّـع الفنـان فنـه
حلم مدري علم مدري نوض برقٍ في سحابه = اثرها طلـة جبينـه يـوم زاح الليـل منـه
أقبلت مثل الفرس لا سمعت طبول الحرابـه = مقتفيهـا ليـلٍ أسـود والنجـوم يفرّقنـه
النهار يمـر ويعـدي وليلـه فـي عقابـه = النحـر صبـحٍ تجلـى والجدايـل كنّهـنّـه
مخملٍ يتلف فـوق الجيـد الأتلـع بالنيابـه = عن سلاسيل الذهب والماس خوف يجرّحنه
غاب عني والوله خلاه عندي فـي غيابـه = ما درى ان فرقاه نار ولا درى ان لاماه جنه
يا وجودي وجد من صفق على ماضي شبابه = بان شيبه والسنين اللـي يبيهـن خالفنـه
غرّته خضر السنين وراح عمره ما درى به = غرّرنـه وارفعنّـه اليـن سـج وحوّلـنّـه
ويا وجودي وجد عودٍ لا عيـال ولا قرابـه = ما جداه الا يـون ويـردف الونـه بونـه
مالقى فزعـة رفيـق ولا دعـاةٍ مستجابـه = كل ما امسى له بظنٍ خيّبـت الأيـام ظنـه
هذا وجدي في غياب اللي نزح والله جابـه = صح فرض الله فرض وسنة المرسول سنـه
الغلا جسمٍ رقيق ومرهف احساسـي ثيابـه = مثل غصن الورد يـوم الهبايـب طرقنـه
ما زرعت الا غلاه ولا نقلـت الا صوابـه = والحشا ما ضاق من خضر الطعون المستكنه
يا حبيبي ما زها كف الخضاب الا خضابـه = فيه نظم المفـردات وفيـه للعشـاق عنـه
الظبي ماله شبيـه وبينـك وبينـه تشابـه = التفت بشويش والقى فيه منك وفيـك منـه
خالقك من فضّل محمد على كـل الصحابـه = وصخرك مثل المهار اللي تصخّرها الأعنـه
والثنا والشكر للي رحمتـه تسبـق عذابـه = لا لخلـق الله شكـر ولا لخلـق الله منّـه
قاله اللي ما خذا من مـا يريـد الا هبابـه = خيرة الفارس ثنيّه خيـل صفـراً مستعنـه

عــــــــسّـــــــــــــــــــــاف

كنت انتــظــــــــــــــــــــر

بــفــــــــــــــــــــــــارغ

،
،
،


( الأمـــــــــــــــل )

و

( الثــــقــــــــــة )


أنك ستعسف لنا


جامحة أخرى

بعد

تلك السحايب والبروووق


كنت متأكدة

أن عساااااااااااااااف قاااااادم

سمعت صهيل

جامحتك وقصيدتك

قبل أن أقرأها

خشيت على

قلوبنا من الركض

للحاق

بالدهشة

والانبهار

عساف

اسمح لي بالتوقف قليلا


لألتقط أنفاس ذهولي واعجابي


لي عودة

ايها العساف