اخلطي سبع زيوت مع بعض اي زيوت تحبيها وجيبي 6 فصوص ثوم وحمي الزيوت عالنار في حمام مائي لين تصير دافيه وافرمي الثوم لين يصير ناعم وحطيه عالزيوت وخليه في علبة مدة يوم ونص يعني 36 ساعه وبعدها يا حبيبتي اختاري يوم في الاسبوع بحيث انك ماتغيريه نفس اليوم كا اسبوع و استعمليه لمدة ست اسابيع ورا بعض في نفس اليوم الي اخترتيه (يعني لو اخترتي الخميس يسير تحطين كل خميس من كل اسبوع ولمدة ست اسابيع )
شوفي قلبي لو حافظتي عليها باستمرار لين اخر اسبوع بإذن الله حيخف تساقط شعرك كثير لان الثوم يكثر الشعر ويقلل نسبة التساقط
اما بالنسبة للتنعيم والله الي اعرفه هوا هذي الاشياء فقط :
بعد ماتنتهين من الشامبو حطي بلسم
والثانيه اخلطي زبادي وعسل وحطي على شعرك
واحذرك من الخلطات وهالكلام الي ماله داعي ويزيد مشكلتك بعدين .. وزي ماعلمنا الرسول صلى الله عليه وسلم الي يبتلا بشي ينظر للي مبتلا بشي اكبر منه عشان تهون عليه مصيبه ... وكثري دعاء الله انك تلاقي العلاج المناسب لشعرك
والله يعطيكي مرادك