السلام عليكم
ارجو ان تعجبكم مشاركتي
اسمي نوره وعايشه بالعراق وبالرغم من الوضع الي احنا بي والمأساة بس بعدنا نضحك ونحب الضحك
بس هذا حال اي بنت عراقي تنخطب وتزوج بالعراق
انستي العزيزه..لو الله سبحانه فك عقدتك وانخطبتي فا لازم تتبعين هذه النصائح حتى الله يستر عليج وتوصلين في اخر المطاف الى قفص العصافير...احم احم قصدي قفص الزوجية
احلى شي بالخطوبة العزومات الي يعزمها الخطيب حتى ايبن نفسه للخطيبته انه هو ما اتهمه الفلوس لذلك لازم ابد ما اترفضين أي دعوه من عنده خطيبك لانه بعد الزواج الفلافل حصره عليج اتصير
لذلك لمن اتروحين مطعم وي خطيبك واتكعدون سوه خلي هاي النصائح ابالج:
1.خلي يطلب الك هو الاكل حتى اتخلي يحس انه انتي شكد واثقه باختياره للكل حتى لو طلع الاكل الي طلبه ما طيب لا سامح الله خلي بالحقيبه مالتج بسكت لو كعك حتى لمن ادخلين للتواليت اتعدلين مكياجك تاكلين شويه ولمن اترجعين كولي اله اني شبعت
2. حاولي السيطره على نفسج ولا تاكلين هوايه بعدين يكول عليج ما شايفه وما رايحا مطعم قبل.
3.اذا ما اتونستي بالعزيمه حاولي أتبينين اله انه انتي كلش اتونستي حتى بلكي المره الثانية لمن يعزمك اتكون العزيمة احسن من هايه
واهم من هذا كله لازم اتكونين سعيده بايام الخطوبة وحتى لو انتي طالعه روحج من المشاكل مثلا شوكت يشتري غرفة النوم وفستان الزفاف ووالدتك كالت عليه هيجي واختك ما اعرف اشبيها ويايه ...عادي ...عادي ...خلي روحج رياضيه واستقبلي كل هاي الاشياء
وعادي اذا اطلبين منه انه يطلعك فد مكان بس لاتتوقعين ان الرد حايكون مثل ما اتريدين ..لانه اول ما اتكولين اله انه انتي ضايجه واطلعني شويه، هسه يجاوبك احد هاي الاجوبه:
1.اي ميخالف اطلعج وين ما اتريدين بس بانزين للسياره ما عندي اليوم وما يكفيني بس ارجع للبيتنا.
2.اي شكو بيها نطلع وانفتر بالسياره واشوفك الشوارع ونتونس وبعدين ختامها مفخخه بطريقنا وما ارجعج للبيتكم وانبات واني وياج بمستشفى اليرموك.
وبالنهايه يضل كاعد بحديقة بيتكم واتشربي واتعشي وبعدين ايكول نعست وحاروح للبيتنا .....مو مشكله المهم اتكونين سعيده بفترة الخطوبة رغم كل هاي الاشياء لانه لمن تدخلين قفص الزوجية حاتغسلين الملابس واتكولين ...الله ...الله وين كنت وين صرت
واتكولين يايمه ليش جبتيني بنيه كل القهر والضيم عليه......