المشاركة الأصلية كتبت بواسطة الدكتورة ريم
انا مع قياده المرأه للسياره بعد اربع أو خمس سنين بضوابط بعد مايهيئون للمراه الظروف,, يعني يكون فيه أمن خاص بالمشاكل والمضايقات اللي ممكن تتعرض لها و يكون فيه قوانين وعقوبات صارمه لمن يتعرض للمرأه ولا يقل عمر المرأه عن 30,, ياليت ما نكون انانيين ونفكر بأنفسنا بس ,, يعني أنا خايفه على نفسي لا تخلون الحريم تسوق ليه ؟؟ إذا ربي رازقني بسواق ولاأهل متفهمين يودوني ويجيبوني غيري ماعندهم وما في أحد يخدمهم ومشاغلهم متعطله ؟؟ حرام نظلمهم ,, فيه ناس اعرفهم وكثير من صديقاتي ظروفهم صعبه يعني بنت عمرها 23 تروح مع الليموزين لوحدها مضطره وكثير يتحرشون فيهم اصحاب الليموزين لأنهم عارفين إن ماوراها ظهر ,, وكثير يدفعون نص الراتب على السواق ,, تصدقين في الجامعه مافي إلا ابوي وكم رجل (( لا يتجاوز عددهم أصابع اليد لابسين شماغ والباقي سواقين ,, وأغلب البنات في الجامعه يركبون لوحدهم مع السواق ,, يعني تركب مع رجال غريب عنها لوحدهم أقول هي في أمان (( كيف أامنها على رجال غريب )) ولما تركب لوحدها أقول لا ,, وإذا على البنزين (( الموضوع بيع وشراء وش الشيء الصعب اللي فيه مثل ماتشتري فستان تشتري بنزين وش الفرق ؟؟)) وّإذا على الأعطال اغلب السواقين مايعرفون شيء عن التصليح وإذا خربت السياره ولا حصل لها حادثه تتصل بولي أمرها علشان يجي ويحل الموضوع والسواق جالس يتفرج ,, طيب عادي إذا ساقت وطلعت لها مشكله تتصل بولي أمرها مثل ماكانت تسوي بوجود السواق ,, وش الفرق ؟؟,,
|