الطير وشهو ؟ لو كسرنا جناحـه..,,
الصبح شعشع واقبل النور بالنور
والليل الاسود مايجيب الصراحـه
ماني بضايق لكن القلـب مقهـور
مثلي تساوت ضيقتـه وإنشراحـه
آمنت باللي ثبّت الطويق والطـور
عساه يلهمنـي ثبـوت وفصاحـه
واضح واحب اقابل الناس مسرور
مخلوق من بين الرضا والسماحـه
اكتب قصيدي همي إسعادجمهـور
ماهمني فوضه وصـوره وساحـه
موجٍ تلاطم من ورى سبعة ابحور
حروف شعري للمخاليـق راحـه
يامبتليني ؟ بالحكي اسمع الشـور
لا تحسبنّك عايش بوسـط واحـه
اللي خلقنا ميّـز الحـق والـزور
الفرق واضح كالسمـا والبراحـه
الطب يبغاله مـن النـاس دكتـور
والهندسه تبغى ارتفـاع ومساحـه
ياللي تقول اني من الناس مغـرور
ميّز همـاج المـاء وميّـز قراحـه
لامن كبر راسي مع الطيش معذور
لكن غرور الشخص سبة مطاحـه
نسعى بهالدنيا نبي الحال مستور
والمجتهـد همـه وغمـه نجاحـه
ياصاحبي ؟ لا تقعد اتلّف واتـدور
الطير وشهو ؟ لو كسرنا جناحـه
منت بمعي يابن الاجاويد مجبـور
من راح منـي سمّـح الله مراحـه
منقووووووول
انا قريت هالقصيده واعجبتني واتمني انها تعجبكم