أهلا بك أختي دعاء .
أنا رحت الإسبوع الماضي لملاهي نسائيه ومن زمان مارحت لها تقريباً لي 5 سنوات .
اروح فقط حقات الاطفال العب بنتي .
وش أقولكم ابكي قهر من الفتيات بسن الزهور .
قلت لأختي ماعاد أروح لملاهي مغلقه .
بنات عليهم لبس فاضح وبناطيل ماسكه والظهور طالعه .
واسترجال قصات رجاليه وشنط ملبوسه على الكتف مثل الغرب حقت الاغراض .
وتسرياحات تضحكين منها الشعر منفوش .
ورقص وحركات استحي اشوفها .
ولبس بحياتي ما شفت مثله .
وين الأهل عن بناتهم .
وين الأم وين الأب .
وين الإخوان
كنت اول الوقت مبسوطه يوم جى بعد العشاء خلاص بغيت انهبل ابطلع وأقول لأخي اخاف ينزل علينا عقاب من الله .
شغلوا بعد العشاء اغاني وكل المسرح يرقص .
ويمنى وشمال يرقصون .
ومكان فيه أغاني ورقص .
ياربيه توترة بالمره أببكي على بنات المسلمين وضعي تعبت منه .
يارب تهدي فتايات المسلمين .
وفيه لبس المتزوجه تستحي تلبسه كيف بنت لم تتزوج .
يالله أنك تهدي بنات المسلمين .
معاناتي الإسبوع الي راح ما عاد أنساها .
وتوبه إروحي ملاهي مغلقه .
خلاص .