الحمدلك يارب ياعالي الشان
على سلامة من نحبه بزودي
جانا الفرح من عقب ماشفنا الأحزان
بفضلك أجبتناالدعاءفي السجودي
قالواتعافى سيدي والوضع زان
قريب لأوطانه وشعبه يعودي
وتباشروا بالخبرحضروبدوان
حتى الرضيع أللي بوسط المهودي
وعادالزعيم وعودتة خير وأحسان
عوايده من طيب جوده يجودي
جتناقراراتة مثل صب الأمزان
غيثاعلينا أنهمرله رعودي
عم المناطق كلهاوالحياء بان
ربعبه سعودي وغيرالسعودي
ماهي غريبة منك ياطيرحوران
خيرك غمرناياعريب الجدودي
لك الولاءمناشبابا وشيبان
والله على ماأقول وحده شهودي
نرخصلك الأموال وعيال وبدان
ياخادم البيتين حام الحدودي
حبك يابومتعب سكن كل شريان
يعيش لئن نحط تحت اللحودي
حبك لنا تاجا عاى الراس عنوان
تاجا نماريبه بوجه الحسودي
حقك علينا كل مانسمع أذان
نرفع يدينا بالدعاء لك حشودي
يمدفي عمرك لناأزمان وأزمان
ويحفضك ياأغلا ملك في الوجودي
وأنا لوأكتبلك من الشعر ديوان
وطوع القيفان وبذل جهودي
ماوفيت حقك بالمدح ياكحيلان
لوأردبحر الشعركله ورودي
مير أختصرت وزبدة الهرج نيشان
وفخر بيتا فيك ورقى سنودي