السلام عليكم ورحمة الله وبركاته انا سعيده اني رجعت اشارك مو تقصير ولكن لانشغالي باطفالي وضيوفي وانا قليلة الدخول للنت كاكل
المهم والله احلامكم منها المفرح ومنها ماهو محزن حبيت اشارك واقول ياكثر احلامي انا قبل ازوج ماكنت احلم نهائيا بس من تزوجت والله الاحلام من اول ليله من زواجي والكثير منها يتحقق وصرت اخاف منها انا بذكر حلمين وحد مفرح جدا واحد مضحك
الحلم الاول الي اهو المفرح كانت عندي مشكله في انجاب اطفال معاقين والحمدالله وانجبت طفله ضلت 8 سنوات في المستشفى بعد ماتوفت حملت وفي الشهر السادس حلمت ان الشيخ محمد العريفي جاني في البيت وكنت مره فرحانه وحبيت اهديه هديه ولكن لم اجد اغلى من كتاب طبخي الي انا مسويته ومزينته الي وقلتله هذا اغلى ماعندي ياليت تاخذه المهم قام وقال انا ابروح اصلي قلت بس انا فرحانه انك جيت الحين بتروح قال اوعدك اني راح اجيك في اقرب فرصه وانتهى الحلم وبعدماولدت جبت محمد الله يخليه لي ويجعله من امة الحرم تكفون قوولو امين
الحلم الثاني الي اهو مضحك بعض الشي احلم ان واحد من اخواني شايل فوق راسه كرتون قديم جدا لدرجة انه متهالك والي بوسطه بيطيح المهم كان في الكرتونه خربز اوشمام زي مايقول البعض المهم طاحت وحد منه وعطاني ثنتين وقال خلي هذي الي وبعد اسبوع اتصلو علي اهلي قالوا باقي لك 15 الف من الورث بس ماراح نعطيك منها الا10 لان اخوك عبدالله محتاج 5 الاف لاسيارته يعني الخربزه عن خمسة الاف والكرتون القديم هذا كان لقدم الورث الي صارله 20 سنه واخوي الي شايل الكرتون اهو نفسه الي اخذ الخمس الاف وسلامتكم يالغاليات