[البارقه 2009]

وخرج ياسر من الغرفة وهو غاضب من كلام زوجته وذهب لينام...بينما لمياء أحست من وجهة نظرها إن هذا ظلم لها أن تستضيف أهل زوجها في رمضان..مع إن زياراتهم لها قليلة جداً..فأسرعت إلى جهاز الكومبيوتر ودخلت إلى منتداها الذي اعتادت أن تكتب فيه مشاكلها أو بالتالي تنشر فيه أسرارها!! فكتبت التالي:
العنوان:الحقوني..زوجي وأهله بيقضون علي!
الموضوع:ياأخواتي ساعدوني بمشكلتي أنا في هم مايعلم به غير رب العالمين..أم زوجي وبنتها وولدها يبغون يقضون عندنا العشر الأواخر وأول العيد..الله لايسامحهم السنة الماضية سووا نفس الشي ماخلوني أتهنى برمضان كاتمين على نفسي طول يومي بالمطبخ وأسوي سفرتين وحدة عندنا الحريم والثانية عند زوجي وأخوه وأنا أدري إن هذا تخطيط من العجوز عشان ماتبغاني أعيِّد مع أهلي وأقعد أخدمها هي وبنتها!!!لا وفيها السكر يعني يبغالها فطور خاص وزوجي لاتقدير ولااحترام مؤيد أمه في مخططاتها يبغاها تجي تكتم على أنفاسي عشان ماأطلبه السوق ومقاضي العيد وأقعد طول يومي بالمطبخ أطبخ وأنفخ..شوروا علي الله يخليكم وش أسوي؟!
فجاءت ردود العضوات كالتالي:
1-الحال من بعضه أختي لاتشكي لي أبكي لك!!
2-عادي وين المشكلة اخدميهم هذول ضيوف عندك..
3-ياسلام زوجك وأهله يتحكمون فيك لأنهم شايفينك طيبة زيادة عن اللزوم حبيبتي قولي لزوجك أنا بأسافر لأهلي وبأعيد عندهم وإذا ماوافق دقي على أخوك يجي ياخذك..!!
كان رد لمياء على هذي الأخت(كيف أسافر لأهلي وأقعد عندهم وهم أساساً ساكنين بالشارع اللي وراي!!)
4-قولي له إذا بتجيب لي شغالة أستقبلهم!
5-أعوذ بالله أنا مدري إش يستفيدون أهل الزوج لما ينكدون على زوجة ولدهم..شوفي لو جوا عندك لاتقعدين معاهم ولاتضحكين بوجوههم وهم بيحسون إنهم مثقلين عليك وبيمشون..أما إن قعدوا فاسمحي لي أقول هذول ناس مايستحون!
6-ياأخوات إش الردود هذي الله يصلحكم..يعني العضوة قاعدة تشتكي من شكوى أنا ماأعتبرها مشكلة لازم تنطرح وإنتم تعينونها على فعل السوء الرسول عليه الصلاة والسلام قال(من كان يؤمن بالله واليوم الآخر فليكرم ضيفه) وإكرام الضيف مو بس بالأكل والشرب إكرام الضيف يبدأ بترحيبك بوجوده وبشاشتك باستقباله وتفانيك في خدمته فمابالكم لو كان الضيف هذا هو أم الزوج يعني بمنزلة أمك..انتم ترضونها على أمهاتكم؟إن أمك تروح لزوجة أخوك وماتقابلها بوجه زين؟
أعيدوا النظر في تقديم نصايحكم وترى المستشار مؤتمن...
وطبعاً لمياء تاركة شاشة الجهاز مفتوحة وتتابع الردود وكل شوي تقوم تسوي لنفسها شغلة..بعد ساعة صحى ياسر من غفوته وجاء عند شاشة الكومبيوتر وكانت لمياء بدورة المياة إلا شاف موضوعها والردود عليه وانصدم ضغط على لوحة التحكم وظهرت له كل مواضيعها وانصدم أكثر كانت عناوينها كالتالي:
-ياناس بأنهبل زوجي جدار ومايفهم بالرومانسيات!
-ساعدوني زوجي مايعطيني مصروف شهري!
-تعالوا شوفوا كيف سويت لزوجي وداخ من حركاتي!
-و؟؟؟؟؟؟؟؟؟!!!!!!الخ......
وقعد يناظر الشاشة بعيون جاحظة!! أقبلت لمياء وشافته...
بادرها ياسر:لمياء؟إنتي تتكلمين عن حياتنا الخاصة بالمنتديات؟!
لمياء:ياسلام.إنت تتجسس علي؟!
ياسر:أنا ماتجسست هذا اللي لقيته قدامي وبعدين هذا مو موضوعنا..إنتي كيف تسمحين لنفسك تكتبين هذا الكلام يعني هذا جزاي يوم إني معطيك حرية تقعدين بالساعات مقابلة شاشة النت؟!بدل ماتطورين نفسك للأحسن وتتثقفين وتتعلمين حسن التبعل والتودد للزوج..وكيف تكونين إنسانة راقية عاقلة ألقاك تسبيني أنا وأهلي على رؤوس الملأ؟!!
لمياء:ياسر لاتاخذ المواضيع بحساسية زايدة..هذي مجرد فضفضة!! ولاتنسى إن الله قال(ولاتجسسوا)!
ياسر:كملي الآية الله قال(ولاتجسسوا ولايغتب بعضكم بعضا)ولا إنتي تسمعين الجزء اللي يعجبك وتتركين الباقي؟! وبعدين أي فضفضة هذي تغتابيني عند الناس وتقولين فضفضة؟
لمياء:مافيها شي ماحد منهم يعرفني أويعرفك مجرد سوالف تخفف الضغط النفسي!!
ياسر:تستهبلين إنتي ولا إيش؟ليه من قال لك ياإنسانة يامحترمة إن الغيبة حلال إذا كانوا الناس مايعرفونك وحرام إذا يعرفونك..رسول الله قال(الغيبة هي ذكرك أخاك بما يكره)فتخيلي إن الشخص هذا هو زوجك كيف ياترى بيكون ذنبك؟!!
دمعت عيون لمياء واحتاست مو عارفة إش تقول..
ياسر:وبعدين لهذي الدرجة زيارة أهلي مسببة لك أزمة؟لو فعلاً إنتي إنسانة واعية كان بدل ماقضيتي الوقت تسبينهم في المنتديات كان أحسن لك تبحثين عن طرق تجهيز أكلات من بدري تختصرين فيها الوقت على نفسك وهم مابقي لهم إلا أيام ويجون كان بحثتي عن كيفية استغلال وقتك في رمضان بدل ماإنتي مقابلة النت أو التلفيزيون وسهرانة وإلا هي العبادة مابتعرفينها إلا لما يجون أهلي وبيعطلونك عنها؟!
لمياء:أنا مو شايلة هم شي غير الشغل أهلك على عيني..
ياسر:وتحسبيني بأصدقك وإنتي كاتبة بموضوعك الله لايسامحهم؟وإن أمي مخططة تخرب عليك العيد؟ماتخافين من ربك وإنتي تاركة نفسك تسوِل لك سوء الظنون؟يعني على بالك يوم إنها زوجتني لازم تتبرأ مني وتقطع علاقتها فيَّني؟مو من حقها تحس بدفء الأجواء الرمضانية مع عيالها؟
لمياء(وهي تكفكف دموعها من الإحراج):خلاص ياسر اعذرني أنا ماقصدت!
ياسر:وإفشاءك لحياتنا الخاصة واللي يدور فيها هذي فضفضة؟!أنا اخترتك من بين بنات الناس عشان تكونين زوجتي وتشاركيني حياتي وأئتمنتك على نفسي ومالي وبيتي وتاليتها ألقاك تفضحيني بالمنتديات؟!
لمياء:ااا...
قاطعها ياسر:لاتكملين أكيد بتقولين مايعرفوني!!الحرام حرام يعرفونك الناس أو مايعرفونك الذنب واحد والعقوبة وحدة..
ودار نقاش طويل عريض..ومرت أيام عصيبة على لمياء بعدها راسلت إحدى المشرفات عشان تحذف كل مواضيعها بالمنتدى..
وأصبحت تحاول اكتساب ثقة زوجها فيها من جديد..
الموقف هذا تناول جوانب كثيرة تحدث في أي بيت وبأي مجتمع...