[البارقه 2009]

عضوة تشتكي من تغير زوجها واتضح لها أنه يعشق غيرها!
وأخرى اكتشفته وقد تزوج بأخرى زواج مسيار!
وأخرى.....و....الخ..<<وعاد بعض النسوان حتى لو زوجها بريء..تكون هي خيالها واسع وعقلها يودي ويجيب!!
المهم استغربت لمياء من أوضاع زوجها اللي صار معاه فلوس ماتدري من وين يجيبها وسألته:
لمياء:ياسر؟إنت متسلف فلوس من أحد؟!
ياسر:لا ليش؟!
لمياء:لأني شايفة جيبك عامر..
ياسر:إيه..مو أنا الله يسلمك صرت أشتغل..
لمياء:مِن متى ياحظي؟!
ياسر:لي مدة بسيطة..
لمياء:وليش ماقلت لي؟!
ياسر:مو ضروري تعرفين أهم شي إني مو مقصِّر عليك!
لمياء:يااااااااااسلام..أنا زوجتك ومن حقي أعرف.أكيد شغلة تفشِّل عشان كذا ساكت!وبعدين أبغى أعرف متى يمديك تشتغل وإنت طول اليوم بالبيت؟ اللهم مرات لاجاك اتصال تخرج برة؟!!
ياسر:ايه بالضبط..لاجاني إتصال من الشغل أروح له...
لمياء:عشنا وشفنا!وش ذا الشغل اللي مدللينك فيه؟!يوم يتصلون وعشر لا وفي أي وقت من اليوم يستدعونك..لاااا ويعطونك عليه فلوس بعد!!
ياسر:مو لو أدري إنك بتحطين لسانك بحلقك كان علمتك!لكن للأسف بتحكين لكل من هب ودب وأنا ماأبغى أحد يدري عن شي مفهوم؟!!
وخرج ياسر من الغرفة وذهب ليستحم تاركاً علامات الاستفهام تدور على رأس لمياء!
مرت الأيام ولمياء تعيش بدوامة فياسر يتلقى اتصالات ويكاد يتكلم بهمس ثم يسرع لتبديل ثيابه والخروج فوراً من المنزل وإذا سألته رد عليها بكلمته المعهودة(شغل،شغل!)..ويتغيب لمدة سويعات ثم يعود ليغلق الموضوع كلما فتحته معه..
بدأت الشكوك تساورها مما حدا بها إلى اللجوء لأخيها طلال...فاستضافته ذات يوم بمنزلها وبدأت تحكي له عن خروج زوجها المفاجيء معللاً ذلك بالعمل..
طلال:طيب يمكن صادق ورايح للشغل.
لمياء:أي صادق واللي يرحم والديك..أنا متأكدة إن السالفة فيها إنَّ!
طلال:اخزي الشيطان زوجك رجَّال محترم ويعرف مصلحته..
لمياء(بعصبية وهي تفرك ايديها):أقول لك أنا متأكدة إنه في شي قاعد يصير من ورا ظهري هي وحدة من اثنين مالهم ثالث:يا إنه متعرف على وحدة من بنات إبليس وكل يوم يطلع معاها!
يا إنه يشتغل موزع حشيش ولامخدرات!!
طلال:ههههه والله إنتي اللي محششة وإبليس لاعب بمخك!هذا كلام تقولينه عن زوجك بالله؟
لمياء:طلال رجاءً لاتقعد تلعب بأعصابي الزمان هذا ماحد يضمن أحد والواحد ممكن يتغير بيوم وليلة..ماتقولي بالله وين قاعد يروح؟ وليش يكلم بالجوال بعيد عني؟ومن وين يجيب الفلوس؟!وليش يخبي عني وظيفته الجديدة؟
طلال(بتذمر):يعني إش المطلوب؟!
لمياء:المطلوب..إنك تراقبه!
طلال(باعتراض):ماشاء الله..فاضي لك أنا!أقطع أشغالي وأقعد مقابلك..!!
لمياء:لاتقطع أشغالك ولاشي..أساساً هو مو يومياً يطلع أحياناً تجيه هذه الاتصالات..أنا بأتصل فيك بس لاشفته بيطلع...
وبعد محاولات من لمياء وافق طلال أخيراً ينفذ لها طلبها.. وبعد أيام جاء اتصال غريب لياسر وخرج...وكانت لمياء قد أخبرت طلال بسرعة فأتى بسيارته ليلاحق ياسر الذي كان متوجه إلى مبنى المباحث!!!!
أخذ الاستغراب من طلال مأخذه وظل يلاحق ياسر من مكان لآخر...ولاحظ ياسر إن هناك من يراقبه فاستدار سريعاً بسيارته ونزل ليجد أن من يراقبه هو طلال أخو زوجته!!
وبعد أخذ وعطاء وشدٍ وجذب كشف طلال لياسر أوراقه...
ياسر:أختك هذي موسوسة..بالله أنا وجه نسوان وعلاقات ومخدرات؟!الشرهة مو عليها الشرهة على أفلام الآكشن اللي ساهرة عليها طول الليل!ماقالت لك بعد إني زعيم مافيا؟!
طلال:بصراحة وضعك محير وإنت مو راضي تحكي لها عن شي من حقها ياخي تشك فيك..
ياسر:أنا ماصارحتها لأن عملي حسَّاس ويتطلب سرية تامة..وأخاف تقول للجيران أو أي أحد..
وبعد نقاش اكتشف طلال إن عمل ياسر عبارة عن طُعم متعاون مع المباحث للإيقاع ببعض المشبوهين!!لذلك فهو يتخفى بلباسٍ مدني ومن المفترض أن لايخبر أحد بذلك لأن المسألة قد تهدد حياته!!وأن هذا العمل حصل عليه عن طريق زميل له يعمل بالمباحث!
طلال:آهاااا آثاري السالفة كذا؟!
ياسر:إيه هذي كل الحكاية..
طلال:بس أنا مو معاك في إنك تخبي عن لمياء لابد تقول لها..
بالفعل لما رجع ياسر البيت صارح لمياء عن طبيعة عمله...وقعدت تصرخ وتولول...وقالت له:ياأنا يا هالوظيفة!!إنت مجنون ترمي بنفسك للتهلكة؟!!
ياسر:لقيت غيرها وقلت لا؟!
لمياء:من بكرة تتركها يعني تتركها مفهوم؟!!!!
--------------
الشاهد في الموضوع:
-إن أي موضوع يمر بنا مع شريك العمر فمن المفترض إنه شكوكنا ماتكون كلها سلبية لابد من حسن الظن..
-السرية بين الزوجين لابد يكون لها حدود..مو كل شي ينقال ولا كل شي يتم التكتم عليه لابد من وجود ثقة مشتركة..
-أصالة الزوجة تتجلى في تحملها للأزمات والضغوطات...بعض النساء تحب زوجها في الرخاء ولاتعرفه في الشدة!!