[الفنان التشكيلي]

كثيره هي المواقف التي تواجهنا في الحياه
بعضها حالي وبعضها مر وبعضها مفاجئ وبعضها مباغت وحزين ...الخ

ولكن لا بد ان يكون احد هذه المواقف
أقنعك ان الدنيا ما تساوي جناح بعوضه
اليوم
مريت من مقبره النسيم
وتذكر شخص مدفون فيها ودخلتها وعديت القبور لين قبر رقم 14 من الجدار وسلمت عليه ودعوت له ولجميع الموتى
ورجعت بي الذاكره الى الجناح رقم 16 بمستشفى الحرس حين كنت اقوم بواجبي اتجاهه واهمزه واشيله واحطه ونسولف سوا ونضحك سوا واقهويه
وكنت انا وياه نخطط ليوم زواجي ويعلمني وش بيسوى لي وكيف يتم
وانا في قمه سعادتي وانا بجانبه فهو من رباني
وصديقي وحبيبي ومزبني
وانا عنده فاضت روحه وحمدت الله وشكرته على حسن ختامه فكان اخر كلامه
لا اله الا الله محمد رسول الله
وحملنا جدي على اكتافنا اليوم التالي ووضعناه في لحده
وقعدنا نتسابق انا وابوي وعماني من يكب عليه تراب اكثر لأكسب الاجر في الدفن
انا وقفت
اغلا ما في الدنيا امس حاطه بحظني وشايله بعيوني واليوم اتسابق في كب التراب عليه!!!

كم انتي حقيره وملعونه يا دنيا
والله لو تسوين عند الله جناح بعوضه لما سقى كافر يمشى على راضك رشفه ماء
والله انك ملعونه ملعون ما فيك الا عالم ومتعلم
اللهم لا تجعل الدنيا اكبر همنا ولا مبلغ علمنا واخرجنا منها وانت راضي عنا وارزقنا الصبر وشكر النعم والرضى بالقضاء والقدر.


والسلام عليكم
ـــــــــــــــــــــــــــــــــــ
اذا احد مر عليه موقف وعرف قيمه الدنيا ياليت يضيفه وشكرا لكم