بصراحه أنا أحب اسمع هالكلمات كثير
خاصة بصوت المنشد المبدع مهنا العتيبي
فحبيت أنقلها لكم:
لا ياهوى القلب المعنا ورجواه...
لاتتركين أحد يحس بوجعنا ...
ماظن أحدن يحمل أللي حملناه..
حنا خلقنا والمعاناه معنا..
الهم بادرنا وحنا كتمناه..
والوقت شتتنا بعد ماإجتمعنا..
والصبر حنا فالغرام إبتدعناه ..
لكن حسافه صبرنا مانفعنا ..
مامر يوم ببعدنا مابكيناه..
من ضيقنا كن الوطن ماوسعنا ..
لامن ذكرنا وقتنا إللي قضيناه..
صحنا بعالي الصوت ماحدن سمعنا ..
الوصل درب من عنانا مشيناه..
وتاليه لدروب المفارق رجعنا..
يومنا جزعنا من حمول المعاناه ..
ماأحدن درى بحالنا لوجزعنا..
أروحنا تلقى بعض فالمعاناه..
نبحر وننسى همنا إللي جمعنا ..
ماواحدن منا تنكر لمبداه ..
في إحساسنا ماقد شرينا وبعنا..
لو غيرنا زلت به أقدامه وتاه..
وأهداف عمره كلها دون معنى..
حنا عرفنا الوقت في أوله وأتلاه..
لوينخدع به غيرنا ماخدعنا..
ويانور عيني بادليني المواساه..
يكفي ترى مما دهانا شبعنا..
أرجوك كفي دمعتك وأكتمي الآه..
لاتتركين أحدن يحس بوجعنا
أتمنى أن تنال أعجابكم ودمتم