عرس
أتذكر عمري كان 14 سنه رحت مع الأهل وإخواني العرس لولد عمى
المهم رحت اسلم على اللي نعرفهم بالعرس وقالي واحد من إخواني روح سلم على
المعرس(ولد عمى)رحت ومديت ايدي له ولا هو ما هو شايفني وأنا ماد ايدي له صار لي
ساعة واهو معطيني طاف من بعدها قلتله شلونك محمد وأنا إلى الحين ماد ايدي
واهو يطالعني ويقول هلا خليفه وأنا ماد أيدي
والناس كلها تشوفني من بعدها رجعنا للبيت وأنا ابجي من القهر وأقول اشلون
ما شافني الأعمى هذا
باجيو_أبو أحمد
بجامة النوم
في يوم من أيام يوم كان عمري 10 سنوات قمت من النوم متأخر و كان
ما باقي وقت والباص بيجي أتجهزت بسرعة وطلعت و الحمد لله إني وصلت لكن وأنا
في نص الطريج عرفت إني لابس بجامة النوم تحت الكندورة والغريب أنه في هذاك
اليوم محد عرف إني لابس البجامة الحمد لله بس كيف محد عرف مادري ؟؟؟؟؟
مجــــــ2002ــــــهول
بطاقات دعوة
واحد من الشله جاء عندي في البيت وأعطاني بطاقات دعوات للعرس
حق أخوه وقال تكفى وزعهم على الحارة حقتكم وقلت ابشر .لما طلع من عندي قلت
في بالي أي دعوات وأي خرابيط هذي وقمت وشققت كل الدعوات اللي جابهم
ونثرتها بالمجلس بعد شوي رجع لي معه دعوتين كان ناسيهم وشاف دعوات العرس مشققه
وبعدين قال لي أنت لا تجي لعرسنا ولا ودي أشوف وجهك
وشرايكم أروح ولا لا
نــاصــر /الـجوف
كعب عالي
في احد الأيام كنت في طريقي إلى البيت و كان
الشارع والطريق مزدحمة جدا والناس مليان الشارع و أنا كنت لابسه حذاء كعب عالي جدا
بعد شو يه اتعنقلت وما ألقى نفسي إلا في الأرض والله لا يوريكم هذا الموقف
hana
قلم
يوم من الأيام في المدرسة عندنا مدرس مصري الطالب اللي
وراي كان نايم قال لي المدرس المصري عط اللي ورآك الم والمدرس كان قصده عطه كف أو اضربه حتى يصحى عاد أنا من زود الذكاء عطيته قلم فضحك الفصل كلهم عليَ
عبدالله النغيمشي
كذب بالجوال
اكبر موقف مر على في حياتي اتصل على واحد من أصدقائي بالجوال
وكنت ماشى بالسيارة مع طريق الملك فهد بالرياض المهم أخبارك وكيف الحال من هالسوالف وبعدين قال ابيك تجينا الليلة عندنا مناسبة قلت أنا غير موجود في
الرياض قال وينك قلت في القصيم المهم اخذ يعطى معي في الكلام وقالي أنت
كذاب قلت والله في القصيم قال طيب ناظر في السيارة اللي ورآك وذا هو رفيقي
اللي يكلمني والله لا يوريكم ماخلا احد إلا وقاله وكلهم يذكروني فيها بعدها
حلفت ما اكذب مره
fahd
ارسم نفسك بنفسك
مشاركتي هذي تتعلق بالموقع أمس كانوا صديقاتي موجودين عندي في البيت قلت لهم هيا نفتح موقع فرفش مع احمد نصر يقولون موقع مره حلو المهم إحنا ستة بنات دخلنا على الموقع ولفت نظري موضوع ارسم نفسك بنفسك المهم دخلت عليه بعد إلحاح من البنات 0 قالت وحده منهم ابدئي ارسمي نفسك انت نشوف شكلك إحنا كلنا مصدقين إن الشكل النهائي راح يكون مشابه مو مطابق بدأت في تعبئة البيانات بشكل صحيح ومتحمسين جدا خلصنا التعبئة بعد كذا طلع لنا شكل عجوز تخوف
بصراحة جلسوا البنات يضحكون عليَ لأني أنا هذي العجوز وما اكتفوا بكذا وبس
ترجوني أنهم يأخذون صوره تذكاريه مع العجوز اللي هي أنا وجبنا الكاميرا وفعلا صورنا موقف لا ينسى
ريم
جوز الهند
المواقف المحرجة اللي صارت لي كثيرة بقول واحدة بسيطة
مره قالي اخوي روح السيارة وجيب جوز الهند أنا سمعت الكلمة جواز الهندي رحت السيارة ما حصلت جواز الهندي رجعت وقلت له ما حصلته مره مرتين ثلاث ما هو فيه
سألني اخوي عن ايش أدور بعد الطفش قلت له عن جواز الهندي عرف اخوي عن فهمي الغلط لكلمته وضحك علي هو والأهل أسابيع
المغرم المحروم