حي رجـالٍ تقـي راعـي صـلاه
لــذّة الدنـيـا مخلـيـهـا وراه
مقتنع راضـي بمـا ربـي عطـاه
عارف انّ الله كتـب رزق وعمـار
***********************
وفيـه رجـالِ ليـا جيـت البلـد
تذكره وتقـول فـي الديـره ولـد
وترفع الجوال ويجي فـي الوعـد
قبل ماتاصل يجي لك فـي المطـار
**********************
وفيه رجالٍ بشـوش ليـا حضـر
يِفْرِح المجلس وهرجـه لـه ثمـر
بالنصايـح والمثـايـل والعـبـر
*****************************
وفيـه رجـالٍ رضـيّ الوالـديـن
مايطـاوع حرمتـه فـي هالثنيـن
لـو محبتهـا طغـت فالمهجتيـن
عنده امـه والابـو نـور الديـار
ينفعك لو جيت له فـي كـل شـار
**********************
وفيـه رجـالٍ شجيـعٍ مايـهـاب
سيـف للعـدوان قطّـاع الرقـاب
ماذكر في يوم عن ميقـاف غـاب
حر مايرضى الخطـا والـدم حـار
********************************
وفيه رجـالٍ صـدوق ليـا هـرج
يوم بعض الناس في هرجه عـوج
هرجتـه تعـدل ملاييـن الحجـج
بالحقيقـه ماعلـى هرجـه غبـار
****************************
وفيـه رجـالٍ يسمونـه كـريـم
مايطاوع في عشا ضيفـه حريـم
مثل جدانه علـى العهـد القديـم
عامـرٍ بيتـه كـرم شبـاب نـار
*******************************
الصراحه هذه المواصفات قمة الروعه ...
اشكرك غاليتي يمامة المنتدى على الرد الجميل ...
اختكم في الله ...
مــهـــا...
التعديل الأخير تم بواسطة مها ; 2006-11-08 الساعة 8:24 AM.
| توقيع مها |
{ وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَى
أَن يَبْعَثَكَ رَبُّكَ مَقَاماً مَّحْمُوداً }
{كَانُوا قَلِيلاً مِّنَ اللَّيْلِ مَا يَهْجَعُونَ * وَبِالْأَسْحَارِ هُمْ
يَسْتَغْفِرُونَ}
{ إنّ الله مَعَ الصّابِرينَ }
{ سُوريـآ الجَريحـة‘ إلى متى ! }
خدمة سريعة جدا
|
|