تفضلي أختي هذه الطريقة بالصور نقلتها لك من أحد المواقع:
أتمنى أقدر أفيدكم بحل لمشكلة التسجيل في موقع وزارة العمل
والحل حاولت أوضحه لكم بطريقة واضحة حتى تستفيدون منها
بعد معاناة مع الرابط وأخطاء التسجيل اكتشفت بعض الأخطاء عند تسجيلي وتسجيل أختي ووصلت لطريقة صحيحة إن شاء الله وحبيت أفيدكم لأنكم صراحة تحمسون الواحد يفيد بدعواتكم الله يجزاكم خير
أولاً شي لازم تسوونه
سجلي لك ايميل على موقع قوقل وهذي ضرورية حتى يفتح رابط التفعيل لك بسهولة لأن أختي على الهوتميل وصار مشاكل في فتح الرابط
التسجيل راح يكون من كلمة :
Gmail الموجودة في أعلى صفحة قوقل
ثانياً:
أهم شيء في الطريقة حملي برنامج فايرفوكس << لأن الموقع يفتح فيه ماشاء الله لاقوة إلا بالله بسرعة وأكثر من مرة فتحته من خلال هذا المتصفح والحمد لله
ابحثي عن طريقة تحميل هالبرنامج (( وترى مو صعب سهل جدا ))
وبعد التحميل راح تلقينه على سطح المكتب بهذا الشكل:
أو افتحي قائمة إبدأ << ثم البرامج << راح تلقينه بهذا الشكل:
اضغط على هذا الشريط لرؤية الصورة المصغرة.
--------------
إلى هنا تمام شغلك
نجي للخطوة الأهم:
( وهي تصغير دقة الشاشة ) والفائدة منها تطلع لك كل شيء في الصفحة
روحي لسطح المكتب واضغطي بالمؤشر على اليمين وراح تطلع لك قائمة اختاري منها خصائص مثل الصورة هذي:
اضغط على هذا الشريط لرؤية الصورة المصغرة.
بعدها راح تطلع لك نافذة اختاري منها آخر شيء إعدادات والطريقة موضحتها في الصورة التالية بثلاث خطوات:
الآن الحمد لله انتهينا من التجهيز للتسجيل
روحي افتحي
برنامج فايرفوكس ثم افتحي رابط وزارة العمل اللي هو هذا:
https://mol.gov.sa/IndividualUser/BasicInfo.aspx
بعد فتحه من خلال متصفح فايرفوكس
ممكن تطلع الصفحة عطلانه مثل كذا:
اضغط على هذا الشريط لرؤية الصورة المصغرة.
بعد ماضغطت التالي شوفوا كيف الصفحة طلعت الحمد لله:
اضغط على هذا الشريط لرؤية الصورة المصغرة.
بعد ماتضغطين التالي راح تطلع لكم صفحة فيها بياناتكم وأنا مظللتها بالأسود في الصورة التالية وتابعوا الشرح اللي وضحته في الصورة لأن فيه ملاحظة مهمة ممكن تعيق عملية التسجيل:
اضغط على هذا الشريط لرؤية الصورة المصغرة.
بعد كذا افتحي الايميل اللي أنشأتيه على قوقل من خلال متصفح فايرفوكس وفعلي الرابط والحمد لله انتهيتي من التسجيل
وصراحة أشوف بنات يقولون السيرة الذاتية وأنا ماطلع لي شي يقول دخلي السيرة الذاتية بس سجلت بياناتي وبس
وهذي إضافة مهمة من الغالية ليلاس عشان تكملون خطوات التسجيل:
المشاركة الأصلية كتبت بواسطة (ليلاااااس)
خطواتك تمام روحي للبريد بيرسلون لك رابط التفعيل
وتدخلين من اسم المستخدم والرقم السري وتلقين فيه
التكمله من التعليم والتدريب والسيره الذاتيه
وأتمنى ماتحرموني من دعواتكم بالصحة والرزق الحلال واللي يوفق كل من مرة على الموضوع وكل من ساعدتنا في طريقة التسجيل ويارب يرزقكم الصحة والعافية والرزق الطيب الحلال