[نورة 2010]

السلام عليكم

بداية أشكرك على الموضوع الجميل

انا بصراحه اشوف ان مجتمعناا هو اللي مأزم العنوسه أو بلأصح مشكلة العنوسه مثل مايحب البعض يطلق عليهاا

و صراحتاً ماأشوف أنهاا مشكله لأن النساء مو مثل الرجاال ما تستهويهم الحياة الزوجيه وماعندهم مشكله يقضون حياتهم بدون زوااج

بس المشكله بالمجتمع أهوا اللي يعيب علينا تأخر الزوااج فمجرد ماتصير الوحده بسن زوااج مثلا أهيا مو رايقه لزواج والمسؤلياته وماإلى ذالك
يفرضون عليهاا الموافقه وحتى لو مايناسبهااا بحجة ان اللي بعمرك تزوجوا لازم توافقين وإذا ماوافقتي تبوريــــن وماادري شنو

مع أحترامي لمجتمعنا تفكيــــــــــره عقيـم

من حقنا نلقى اللي يكافأنا بالمنطق والتفكيــــــــر مو على عماها الوحده تمشي وتوافق خبط لزق

المشكله الثانيه بمجتمعنا أهيا النظرة المؤلمه للعوانس
كأنهم مسكيناات ويكسرون الخاطريعني ليش !!

والله جد شنو خسروا ..بجد مجتمعناا محدود الإدراك

وأنا اللي أشوفه أغلب اللي يتأخرن بالزوااج أوهماا نفيساات وثميناات ويقدرون بالذهب فهم وركازة وعلم وجمااال أغلب العوانس جميلات وبشهاادة الكون

حتى فيه مثل ياباني على مااعتقد يقول

ان النساء مثل الثماار بالشجره واطيب الثماار أعلاهاا فالناس بعضهم ماعنده وقت يأخذ اللي بطريقه (مش حالك)ويمشي وبعض الناس يشوفون الثمرة البعيده ويحاولون بس مايقدرون يوصلون لها فياخذون أقرب حل لهم وبعض النااس يحاول ويغامر امام الصعاب ليـــــــن يوصل للأطيب الثمر بس مايوصله الا بعد عناء وتعب حتى حظي بهاا

فهؤلاء اصناف الرجال والنسااء .

تأخر الزوااج ماهو عيب ولا هو منقصه بس مشكلتنا بتفكير المجتمع

وانا عن نفسي أتأخر بالزوااج ولا اعيش مع شخص وافقت عليه عشان النااس مايقولون عانس
اعنس ولا اكذب على نفسي بحب شريك اكرهه

اتمنى انو بعد فترة نشوف المجتمع كبر على هاكذا تفكير عقيم يسيء لنا

ايه وعلى فكره كثير من النااس يقول بأن النساء اصبحواا انانيات مايحسون ومن هالكلام انا أرى والله أعلم كان ذالك كله نتيجة لموافقه فرضهاا عليها المجتمع ممن حولهاا

ويقولون اللي بالقلب على اللسان فبتالي شلون نطلب منهم يبذلون الحب واوهماا يكرهون ازواجهم

وبعد يستاهلون ماجاهم ليش تكذبين على نفسك وتوافقين !!

موحلو انا نظلم احد بسبب النااس

حلو انك تعنسين بس ماتعيشين حياة يفرضهاا عليك المجتمع
حلو انك بعد زمن تلقين اللي يكافئك بالمستوى الفكري والعقلي
حلو انك تعشين مع اللي ترتاحين معه حتى ولو كان مو عربي

انا برأي أهم شيء واهم مطلب التوافق الفكري والأنسجاام الروحي ومو شرط يكون من نفس القبيلة أو الدوله او اللغه وكلام النااس مارح نسلم منه تزوجنا والا ماتزوجنا دام تفكيرهم عقيم

أهم شيء أرتياحك للأمـر وتوكلي على الله العنوسه مو عيب العنوسه شيء طبيعي

دام مجتمعناا يرفض الفهم الحقيقي لحقيقة الزوااج السكن مو الزواج اللي يلغي شخصك ويرضي النااس الله عزوجل يقول {ومن آياته ان خلق لكم من أنفسكم أزواجاً لتسكنوا إليهاا وجعل بينكم مودة ورحمة}

خلوناا نفهم أمر الله زين !

دون ضغط وتدخل وإزعااج الله عزوجل عبر بقوله {لتسكنوا} السكن الطمأنينة الإرتياح من المطالب الأساسه للأفراد لتحقيق مصلحه فطريه للزوجين

من الظلم انك تجبر احد على الزوااج ممن .. انتم اعلم

من الظلم لنفس اني اوافق على انسان اعلم بقرارت نفسي اني مارح اكون له مثلما يحب

من الظلم اني اظلم الحياة الزوجيه المقدسه من قبل الله تعالى ومن قبل رسوله بتشويه بسبب اني لااطيق العيش من شريك يفرضه علي البشر

وكل انسان حر بقراراته وبتفكيره


نأسف على الإطاله وعلى الإزعااج معليش هاذا تفكيري يمكن يتغير ويمكن لا

والسلامـ ..

// فضفضة عانس