السلام عليكم ورحمة الله و بركاته
حبيت أضيف إنه الألعاب الناريه مب بس خطره على الصغار و الكبار و لكنها أيضا تسبب الإزعاج, على سبيل المثال كنا نروح للصلاه في المسجد الي في الفريج و الأولاد ما يحلالهم اللعب بالالعاب الناريه إلا عند باب المسجد فكنا ما نركز في الصلاه بسبب الازعاج.
و الجهات الحكوميه عندنا مانعه الالعاب الناريه انها تنباع في المحلات و بالرغم من هذا تنباع بالدس و في بعض العائلات إييبون كميات كبيره من برع و يبيعونها على عيال الفريج. فالحل انه نحن نمنع أطفالنا من اللعب بهذه الالعاب او يلعبون تحت اشراف أحد الاشخاص مثل ما الدكتور فهد اقترح.
وأيضا المفروض نحن نساعد الجهات الحكومية و ذلك عن طريق انه نقدم شكوى و بلاغ اذا اكتشفنا اي محل اوبقاله يبيعون هذي الالعاب.
وانا عندي اقتراح إنكم إتون دبي في فترة المهرجان و تخلون أبنائكم يشوفون الألعاب النارية :)